काशी विश्वनाथाच्या सेवेकऱ्यांना PM मोदींकडून खास भेट | Sakal
sakal

बोलून बातमी शोधा

PM Narendra Modi

काशी विश्वनाथाच्या सेवेकऱ्यांना PM मोदींकडून खास भेट

नवी दिल्ली : पंतप्रधान नरेंद्र मोदी (PM Modi) यांनी काशी विश्वनाथधाम येथे काम करणाऱ्या सेवेकऱ्यांना ज्यूटपासून तयार करण्यात आलेल्या पादत्राणांच्या शंभर जोड्या भेट म्हणून पाठविल्या आहेत. (Kashi Vishwanath Dham) येथील सेवेकऱ्यांना चामडे आणि रबरापासून तयार करण्यात आलेली पादत्राणे वापरता येत नाहीत त्यामुळे त्यांना हिवाळ्यामध्येही सर्वत्र अनवाणीच वावरावे लागते, याचा त्यांना खूप त्रास होतो.

पंतप्रधान मोदींनी दिलेली भेट

पंतप्रधान मोदींनी दिलेली भेट

हेही वाचा: राज्यात दिवसभरात 33 हजारहून अधिक रुग्ण; 31 नवे ओमिक्रॉनबाधित

या मंदिरातील पुजारी, सेवेकरी, सुरक्षा रक्षक, स्वच्छता कामगार आणि अन्यजणांना नव्या पादत्रणांचा लाभ होणार आहे. काश्वी विश्वनाथाच्या तीर्थक्षेत्र विकासावर पंतप्रधान मोदींचे बारीक लक्ष असून ते येथील कामांचा वेळोवेळी आढावा घेत असल्याचे दिसून आले आहे. देवस्थानाच्या कारभाराप्रमाणेच मंदिरातील दैनंदिन विधी आणि किरकोळ समस्यांकडेही मोदींचे बारीक लक्ष असते. मागील महिन्यामध्ये पंतप्रधानांच्या हस्ते विश्वनाथधामच्या सुशोभीकरणाच्या पहिल्या टप्प्यातील कामाचा शुभारंभ झाला होता. त्यावेळी मोदींनी येथील सेवेकऱ्यांच्या समस्याही जाणून घेतल्या होत्या, अशी माहिती सूत्रांनी दिली. पंतप्रधान मोदींच्या या भेटीवर सेवेकऱ्यांनी समाधान व्यक्त केले असून हिवाळ्यातील समस्यांपासून आमची सुटका झाली असल्याचे त्यांनी वृत्तसंस्थेशी बोलताना सांगितले.

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Narendra Modi
loading image
go to top