Video : शिवाजी महाराजांची पुन्हा एकदा मोदींशी तुलना; सोशल मीडियावर भडका

वृत्तसंस्था
मंगळवार, 21 जानेवारी 2020

दिल्ली निवडणूकांच्या पार्श्वभूमीवर असलेल्या या व्हिडिओत पंतप्रधान नरेंद्र मोदी, अमित शहा व केजरीवालांना दाखविण्यात आले आहे. हे मॉर्फिंग इतके भयंकर आहे की, सर्वच स्तरांतून त्यावर टीका होत आहे. 

सध्या सगळीकडे वारं आहे ते म्हणजे 'तानाजी : द अनसंग वॉरियर'चं! हे वारं इतकं जोरात वाहतंय की आता राजकारणातही त्याचे परिणाम दिसू लागले आहेत. या चित्रपटातील काही सीनचे मॉर्फिंग करून एक व्हिडिओ तयार करण्यात आलाय. दिल्ली निवडणूकांच्या पार्श्वभूमीवर असलेल्या या व्हिडिओत पंतप्रधान नरेंद्र मोदी, अमित शहा व केजरीवालांना दाखविण्यात आले आहे. हे मॉर्फिंग इतके भयंकर आहे की, सर्वच स्तरांतून त्यावर टीका होत आहे. 

ताज्या बातम्यांसाठी डाऊनलोड करा ई-सकाळचे ऍप

पॉलिटीकल कीडा या ट्विटर हँडलवरून हा व्हिडिओ शेअर करण्यात आला आहे. या व्हिडिओत शिवाजी महाराजांच्या चेहऱ्यावर मोदींचा चेहरा, नरवीर तानाजी मालुसरेंच्या चेहऱ्यावर अमित शहांचा चेहरा तर उदयभान राठोड यांच्या चेहऱ्यावर अरविंद केजरीवालांचा चेहरा मॉर्फ करण्यात आला आहे. जसा कोंढाणा जिंकला तशीच आता दिल्ली जिंकयाची असे काही संवाद या व्हि़डिओत घेतलेत. तर, 'शाहीन बाग से उन्होंने वोट बँक की राजनिती शुरू की है, आखरी दांव हम खेलेंगे,' असाही संवाद या व्हिडिओत घेतला आहे. तर व्हिडिओच्या शेवटी 'शाह जी' असे नाव लिहिले आहे. भाजपच्या अधिकृत अकाऊंटवर हा व्हिडिओ नसला तरी दिल्ली निवडणूकीच्या प्रचारानिमित्त हा व्हिडिओ व्हायरल केला जात आहे. 

Delhi Assembly Elections : 'म्हणून केजरीवाल घाबरलेत...'; भाजप उमेदवाराचा खुलासा

हा व्हिडिओ 19 जानेवारीला पोस्ट करण्यात आलाय. त्यानंतर सोशल मीडियावर या व्हिडिओवरून नाराजी व्यक्त केली जात आहे. तर शिवाजा महाराजांच्या चेहऱ्यावर मोदींचा चेहरा लावल्याने पुन्हा एकदा त्याची तुलना केली असल्याचा आरोप नेटकरी करत आहेत. 'आज के शिवाजी : नरेंद्र मोदी' या पुस्तकात शिवरायांची तुलना मोदींशी केली होती. हा वाद संपत नव्हता, तोच आता व्हिडिओवरून वाद सुरू झालेला बघायला मिळतोय.

भाजपची दुसरी यादी जाहीर; केजरीवालांविरुद्ध यांना उमेदवारी

भारतीय जनता पक्षाने दिल्ली विधानसभा निवडणुकीसाठी आपली दुसरी यादी आज (मंगळवार) जाहीर केली असून, दिल्लीचे मुख्यमंत्री अरविंद केजरीवाल यांच्याविरोधात नवी दिल्ली विधानसभा मतदारसंघातून युवा मोर्चाचे अध्यक्ष सुनील यादव यांना उतरविले आहे. दिल्ली विधानसभेच्या प्रचाराला रंग भरू लागला असून, उमेदवारी अर्ज भरण्याच्या प्रक्रियेला वेग आला आहे. दिल्लीचे मुख्यमंत्री अरविंद केजरीवाल सोमवारी उमेदवारी अर्ज दाखल करण्यासाठी निघाले खरे, परंतु वेळेत न पोचल्याने आता आज (मंगळवार) अर्ज भरणार आहेत. 


स्पष्ट, नेमक्या आणि विश्वासार्ह बातम्या वाचण्यासाठी 'सकाळ'चे मोबाईल अॅप डाऊनलोड करा
Web Title: PM Modi Shah Morphed video posted by Political keeda twitter handle on Delhi Elections