PM Modi: खरा सेक्युलॅरिझम काय? सभागृहात गोंधळ घालणाऱ्या विरोधकांची मोदींनी केली कोंडी

नवी दिल्ली : राहुल गांधी यांनी अदानी प्रकरणावरुन पंतप्रधान नरेंद्र मोदी यांच्यावर लोकसभेत सडकून टीका केली होती. त्याला मोदींनी काल लोकसभेत उत्तर दिलं, पण यामुळं समाधान न झाल्यानं आज राज्यसभेत मोदींच्या भाषणावेळी विरोधकांनी जोरदार गोंधळ घातला. पण मोदींनी सेक्युलॅरिझमचा मुद्दा उपस्थित करत विरोधकांची कोंडी करण्याचा प्रयत्न केला. (PM Modi targets oppositions over secularism in Rajya Sabha)

राज्यसभेत राष्ट्रपतींच्या अभिभाषणाला उत्तर देताना मोदी म्हणाले, "विविध सरकारांनी ज्या ज्या योजना आणल्या, त्या सर्व पात्र लाभार्थांपर्यंत पोहोचत आहेत की नाही, हे निश्चित करण्याचं काम खरा सेक्युलॅरिझम करत असतो"

जगभरातील लस आपल्याकडं विकण्यासाठी मोठा दबाव टाकण्यात होता. यासाठी लेख लिहिले गेले, टिव्हीवर मुलाखती दिल्या गेल्या. कालपर्यंत आपल्या देशातील वैज्ञानिकांचे अपमान केले, माझ्या देशातील वैज्ञानिकांनी लस बनवल्या आणि त्या जागतीक बाजारात मंजुरही झाल्यात त्याचा १५० देशांना फायदाही झाला, अशा शब्दांतही मोदींनी विरोधकांवर हल्लाबोल केला.