PM Narendra Modi: 'नरेंद्र मोदी पुन्हा पंतप्रधान व्हावेत'; 'त्याने' देवी कालीला बोलला नवस, बोट कापून केलं अर्पण

PM Narendra Modi: लोकसभा निवडणुकांचे वारे जोरात वाहू लागले आहेत. भाजपने पुन्हा नरेंद्र मोदी यांचा चेहरा लोकांसमोर आणला आहे. त्यामुळे 2024 ची निवडणूक भाजप नरेंद्र मोदी यांचा चेहरा समोर करुन लढणार असल्याचे स्पष्ट झाले. कारण नरेंद्र मोदींचे चाहते मोठ्या प्रमाणात आहेत. कर्नाटकमध्ये तर एका व्यक्तीने पंतप्रधान मोदींच्या तिसऱ्या कार्यकाळासाठी प्रार्थना करताना डाव्या हाताची तर्जनी कापली (index finger) आणि ती देवी कालीला अर्पण केली.

ही अनोखी घटना शनिवारी उघडकीस आली. कारवार शहरातील सोनारवाडा परिसरात हा प्रकार घडला. अरुण वेर्णेकर असे नरेंद्र मोदी यांचा निष्ठावंत भक्ताचे नाव आहे. IANS वृत्तसंस्थेने याबाबत वृत्त दिले आहे.

वेर्णेकर यांनी त्यांच्या निवासस्थानी पंतप्रधान नरेंद्र मोदींचे मंदिर देखील बांधले आहे आणि नियमितपणे विशेष पूजा करतात.हाताचे बोट कापल्यानंतर त्यांनी घराच्या भिंतीवर रक्ताने माँ काली माता, मोदी बाबांचे रक्षण कर...

मोदी बाबा तिसऱ्यांदा पंतप्रधान होतील, भिंतीवर मोदी बाबा महान आहेत, असे देखील त्यांनी भिंतींवर लिहिलेले दिसले.

प्रसारमाध्यमांशी बोलताना अरुण वेर्णेकर म्हणाले की, पंतप्रधान नरेंद्र मोदी केंद्रात सत्तेवर आल्यानंतरच चीन आणि पाकिस्तान यांच्यामुळे निर्माण झालेल्या समस्या संपल्या आहेत.

यापूर्वी काश्मीरमधून दहशतवादी कारवाया आणि जवानांच्या मृत्यूच्या बातम्या येत होत्या, पण आता हा परिसर शांत आहे. देशाच्या विकासासाठी पुन्हा एकदा पंतप्रधान नरेंद्र मोदी यांची गरज आहे, असे अरुण वेर्णेकर म्हणाले.

अरुण वेर्णेकर यांनी यापूर्वी मुंबई चित्रपटसृष्टीत काम केले होते. सध्या तो कारवार शहरात राहतो आणि आपल्या वृद्ध आईची काळजी घेतो. तो अविवाहित आहे. याआधी 2019 च्या सार्वत्रिक निवडणुकीतही त्यांनी बोट कापण्याचा प्रयत्न केला होता, मात्र काही कारणास्तव ते होऊ शकले नाही. मात्र, यावेळी त्याचे बोट कापण्यात यश आले.