पंतप्रधान मोदींसमोर आज भाजप मुख्यमंत्र्यांची परीक्षा!

वाराणसी : पंतप्रधान नरेंद्र मोदींच्या (pm narendra modi) काशी दौऱ्याचा आजचा दुसरा दिवस आहे. पंतप्रधानांनी कालच्या व्यस्त दिवसानंतरही मध्यरात्रीपर्यंत ते वाराणसीच्या (varanasi) कामांचा आढावा घेत आहेत. दरम्यान पंतप्रधान मोदी हे भाजपच्या मुख्यमंत्र्यांची (bjp cm) आज बैठक घेणार आहे.

मुख्यमंत्र्यांची मोदींसमोर कसोटी

राज्यात सुरु असलेल्या वेगवेगळ्या मोठ्या योजनांवर प्रत्येक मुख्यमंत्र्याला मोदींसमोर सादरीकरण करायचे आहे. त्यावर मोदींनी विचारलेल्या प्रश्नांना उत्तरही द्यावं लागेल. गेल्या काही काळात कर्नाटक, आसाम, उत्तराखंड अशा राज्यात भाजपनं खांदेपालट केलाय. तिथं मुख्यमंत्रीपदी असलेले नेते नवे आहेत. त्यामुळेच ते काय करतायत, कुठल्या योजना राबवत आहेत. त्याचा हिशेब देण्याघेण्याचं काम बैठकीत होणार आहे.

काशी दौऱ्याचा आजचा दुसरा दिवस

मुख्यमंत्री आदित्यनाथ यांच्यासोबत त्यांनी काशी विश्वनाथ मंदिराचा आधी दौरा केला तर मध्यरात्रीनंतर त्यांनी वाराणसीच्या रेल्वे स्टेशनची पाहणी केली. स्टेशनच्या बाहेर असलेल्यांसोबतही चर्चा केली. त्याचे फोटोज पंतप्रधानांनी ट्विटरवर शेअर केलेत. त्यामुळे मध्यरात्री उशिरापर्यंत जागे असतानाही मोदींच्या आजच्या कार्यक्रमात काहीही बदल केलेला नाही. दुपारी 4 नंतर ते दिल्लीकडे रवाना होतील.

मुख्यमंत्र्यांच्या परिषदेत सहभागी

आज दुपारी 3:30 वाजता, पंतप्रधान वाराणसीतील स्वरवेद महामंदिर येथे सदगुरु सदाफलदेव विहंगम योग संस्थानच्या 98 व्या वर्धापन दिन सोहळ्याला उपस्थित राहतील. दोन दिवसांच्या दौऱ्यात पंतप्रधान आसाम, अरुणाचल प्रदेश, गोवा, गुजरात, हरियाणा, हिमाचल प्रदेश, कर्नाटक, मध्य प्रदेश, मणिपूर, त्रिपुरा, उत्तर प्रदेश आणि उत्तराखंड या राज्यांच्या मुख्यमंत्र्यांच्या आणि बिहार आणि नागालँडच्या मुख्यमंत्र्यांचा सहभाग असलेल्या परिषदेत सहभागी होणार आहेत.