नवी दिल्ली- नवीन कृषी कायद्याविरोधात देशभर शेतकरी संघटनांकडून सुरु असलेल्या आंदोलनादरम्यान पंतप्रधान नरेंद्र मोदी यांनी पुन्हा एकदा शेतकऱ्यांना आवाहन केले आहे. आमचे सरकार अनेक क्षेत्रात उभ्या असलेल्या भिंती हटवत आहे. या सुधारित कायद्यानंतर शेतकऱ्यांना नवी बाजारपेठ मिळेल, नवीन पर्याय मिळतील, तंत्रज्ञानाचा फायदा मिळेल, देशाचा शीतगृहांसाठीच्या पायाभूत सुविधा आधुनिक होतील, असे पंतप्रधान मोदी यांनी म्हटले आहे. औद्योगिक संघटना फिक्कीच्या 93 व्या सर्वसाधारण बैठकीत त्यांनी नव्या कृषी कायद्याबद्दल मत व्यक्त केले.
हजारोंच्या संख्येने शेतकरी या नवीन कायद्याविरोधात दिल्लीत मागील दोन आठवड्यांपासून जास्त काळ आंदोलन करत आहेत. सरकारने अनेक वेळा चर्चा करुन काही दुरुस्ती करण्याचा प्रस्ताव दिला होता. परंतु, शेतकरी संघटना या तिन्ही कायदे मागे हटवण्यावर ठाम आहेत. केंद्र सरकार पुन्हा एकदा शेतकरी संघटनांशी चर्चा करण्याचा प्रयत्न करत आहे. याचदरम्यान पंतप्रधान मोदी यांनी शनिवारी पुन्हा एकदा कृषी कायद्याचे फायदे सांगितले.
कृषी क्षेत्रात होणार सर्वाधिक गुंतवणूक- पंतप्रधान मोदी
कृषी क्षेत्र आणि त्याच्याशी निगडीत इतर क्षेत्र जसे कृषी पायाभूत सुविधा, अन्न प्रक्रिया असो, गोदाम असो, शीतगृह असो यासर्वांमध्ये एक भिंत आपण पाहिली आहे. आता या सर्व भिंती हटवल्या जाणार आहेत. सर्व अडचणी हटवण्यात येणार आहे. या सुधारणेनंतर शेतकऱ्यांना नवी बाजारपेठ मिळेल. नवे पर्याय मिळतील, तंत्रज्ञानाचा लाभ मिळेल, देशाचा शीतगृहांसाठीच्या पायाभूत सुविधा मिळतील. यामुळे कृषी क्षेत्रात सर्वाधिक गुंतवणूक होईल. या सर्वांचा सर्वाधिक फायदा माझ्या देशातील शेतकऱ्यांना होणार आहे.
पंतप्रधान मोदी यांनी ग्रामीण भागात चांगल्या कनेक्टिविटीसाठी काही दिवसांपूर्वी सादर केलेल्या 'पीएम-वाणी' योजनेचाही उल्लेख केला. ते म्हणाले, 'पीएम-वाणी' योजनेअंतर्गत देशभरात सार्वजनिक वाय-फाय हॉटस्पॉट्स नेटवर्क तयार केले जातील. यामुळे गावागावात कनेक्टिविटीचा व्यापक विस्तार होईल. यावेळी बैठकीसाठी आलेल्या उद्योगपतींना त्यांनी ग्रामीण भागात गुंतवणूक करण्याचे आवाहन केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.