नवी दिल्ली : पंतप्रधान नरेंद्र मोदी यांनी रशियाचे राष्ट्राध्यक्ष व्लादीमीर पुतीन यांच्याशी फोनवरुन बातचित केली आहे. तब्बल ४५ मिनिटे या दोघांमध्ये संवाद झाला. त्या दोघांनीही अफगाणिस्तानच्या सद्यपरिस्थितीवर सविस्तर चर्चा केली आहे.
माझे मित्र राष्ट्राध्यक्ष पुतीन यांच्याशी अफगाणिस्तानमधील अलीकडच्या घडामोडींवर सविस्तर आणि उपयुक्त अशी चर्चा केली. आम्ही कोरोनाविरुद्ध भारत-रशिया सहकार्यासह द्विपक्षीय अजेंडावरील मुद्द्यांवर देखील चर्चा केली. आम्ही महत्त्वाच्या मुद्यांवर घनिष्ठ सल्लामसलत सुरू ठेवण्याचं दोघांनीही मान्य केलंय.
दरम्यान, अफगाणिस्तानमध्ये तालिबान आणि विरोधक यांच्यात निर्माण झालेल्या पेचात रशिया हस्तक्षेप करणार नाही, असे रशियन सरकारचे प्रवक्ते दिमीत्री पेस्कोव यांनी काल स्पष्ट केलंय. त्यांनी सांगितलंय की, एकत्रित सुरक्षा तह संघटनेच्या (कलेक्टिव्ह सिक्युरिटी ट्रीटी ऑर्गनायझेशन-सीएसटीओ) सदस्य देशांनी हा पेच आणि अफगाणिस्तानातील आणखी एका यादवी युद्धाच्या परिणामांबाबत चर्चा केली आहे. यात कुणीही हस्तक्षेप करणार नाही. या संघटनेत रशियासह बेलारूस, कझाकस्तान, अर्मेनिया, किरगिझस्तान आणि ताजिकिस्तान या देशांचा समावेश आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
