कोची : पंतप्रधान नरेंद्र मोदी यांनी आज (शनिवार) केरळमधील त्रिसूर येथील गुरुवायूर मंदिरात जाऊन पूजा केली. यावेळी मोदींची कमळांच्या फुलांसोबत तुला करण्यात आली.
पंतप्रधानपदाची जबाबदारी स्वीकारल्यानंतर मोदींचा हा पहिलाच केऱळ दौरा आहे. पाच हजार वर्षांपूर्वीच्या ऐतिहासिक गुरुवायूर श्रीकृष्ण मंदिरात मोदींनी आज सकाळी पूजा केली. शुक्रवारी रात्रीच मोदी कोचीमध्ये पोहचले होते. पूजेनंतर मोदी कार्यकर्त्यांना संबोधित करणार आहेत. त्यानंतर ते दिल्लीला रवाना होतील. तेथून ते दुपारी मालदिव आणि श्रीलंकेच्या दौऱ्यावर रवाना होतील. मोदींचा हा पहिला परदेश दौरा असेल. तर, दुसरीकडे काँग्रेस अध्यक्ष राहुल गांधीही केरळ दौऱ्यावरच आहेत. ते वायनाडमधील मतदारांचे आभार मानण्यासाठी गेले आहेत.
गुरुवायूर मंदिर हे पाच वर्षे जुने आहे. 1638 मध्ये या मंदिराचे पुननिर्माण करण्यात आले होते. या मंदिरात फक्त हिंदूच पूजा करू शकतात. इतर धर्मियांना मंदिरात प्रवेश दिला जात नाही. गुरुवायूर देवस्थानचे अध्यक्ष के. बी. मोहनदास यांनी मोदींची कमळांच्या फुलांसोबत तुला करण्याची इच्छा व्यक्त केली होती. त्यानुसार मोदींची फुलांसोबत तुला करण्यासाठी 112 किलो फुलांचा वापर करण्यात आला. मोदींनी 2008 मध्ये गुजरातचे मुख्यमंत्री असताना या मंदिरात पूजा केली होती. त्यावेळीही त्यांची तुला करण्यात आली होती.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.