Prakash Ambedkar : "नरेंद्र मोदींचं वागणं दारुड्यासारखं झालंय" | Sakal
sakal

बोलून बातमी शोधा

PM Narendra Modi
Prakash Ambedkar : "नरेंद्र मोदींचं वागणं दारुड्यासारखं झालंय"

Prakash Ambedkar : "नरेंद्र मोदींचं वागणं दारुड्यासारखं झालंय"

देशात गेल्या काही दिवसांपासून नामिबियावरुन आणलेल्या चित्त्यांची चर्चा सुरू आहे. त्यावरुन कोणी पंतप्रधानांवर टीका करतंय तर कोणी त्यांचं कौतुक. तर एकीकडे काँग्रेसकडून भारत जोडो यात्रा काढली जात आहे. त्यामुळे काँग्रेस विरुद्ध भाजपा असा जणू सामनाच सुरू असल्याचं चित्र आहे. यातच आता वंचित बहुजन आघाडीचे प्रकाश आंबेडकर यांनीही उडी घेतली आहे. पंतप्रधान मोदींवर त्यांनी कठोर टीका केली आहे.

हेही वाचा: PM Modi: चित्त्यांचं कौतुक सोडा; त्यांचे फोटो काढणाऱ्या मोदींच्या कॅमेऱ्याची किंमत ऐकलीत का?

यावेळी सरकारी मालमत्ता आणि मोदी सरकारच्या खर्चाविषयी रिझर्व बँकेने सादर केलेल्या अहवालाचा उल्लेख करत आंबेडकरांनी मोदींवर निशाणा साधला आहे. प्रकाश आंबेडकर म्हणाले, "रिझर्व बँकेच्या गव्हर्नरने दोन महिन्यांपूर्वी सादर केलेला अहवाल सामान्य माणसासाठी महत्त्वाचा आहे. त्यात म्हटलंय की तुम्ही अंदाधुंध पद्धतीने सरकारी मालमत्ता विकत आहे. हे देशहिताचं नाही. माझ्या भाषेत सांगायचं झाल्यास दारुड्याला दारू प्यायला पैसे मिळाले नाही की तो घरातली भांडी विकतो. नरेंद्र मोदी देशाचे पंतप्रधान असले तरी त्यांची वागणूक दारुड्यासारखी आहे. मी दोन वर्षांपूर्वी हे बोललो होतो, आता रिझर्व बँकेनं त्याला पुष्टी दिली आहे."

हेही वाचा: PM Narendra Modi: मोदींनी लेन्सचं कव्हर न काढताच चित्त्यांचे फोटो काढले? PHOTO व्हायरल

आंबेडकर पुढे म्हणाले की, देशाची वाटचाल सध्या हुकुमशाहीकडे सुरू आहे. नेहरूंनी शांततेसाठी कबुतरं सोडली होती. पण मोदींच्या त्यांच्या वाढदिवसादिवशी कबुतरं नाही सोडली तर चित्ता आणला आणि सगळ्यांना चित्ता सोडण्याची भीती दाखवली. आत्तापर्यंत ईडी, सीबीआय, इनकम टॅक्स होता, आता चित्ता आहे. या दोन वेगळ्या प्रवृत्ती आहेत.

Web Title: Prakash Ambedkar Vanchit Bahujan Aghadi Criticisism On Pm Narendra Modi Reserve Bank Of India Report

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..