कोरोनावर मात करण्यासाठी पंतप्रधान मोदींनी सुचवला उपाय; म्हणाले...

नवी दिल्ली : आंतरराष्ट्रीय योग दिवस आज सगळीकडे साजरा केला जात आहे. परंतु यंदाचा हा योगदिवस सार्वजनिक गर्दी टाळून साजरा केला जात आहे. त्यामुळे हा योग दिवस डिजिटल प्लॅटफॉर्मच्या माध्यमातून होत आहे. त्याच पार्श्वभूमीवर पंतप्रधान नरेंद्र मोदी यांनी देशवासियांना शुभेच्छा दिल्या. तसेच त्यांनी स्वत: योगाही केला. यावेळी पंतप्रधान मोदी म्हणाले, आपल्या सृदृढ आरोग्यासाठी योगा अत्यंत महत्वाचा आहे. कोरोना व्हायरसवर मात करण्यासाठी योगासने करण्याचेही मोदींनी सूचवले. 

ताज्या बातम्यांसाठी डाऊनलोड करा ई-सकाळचे ऍप 

पहिला आंतरराष्ट्रीय योग दिवस 21 जून 2015 रोजी साजरा करण्यात आला. तेव्हापासून पहिल्यांदाच हा दिवस आता डिजिटल प्लॅटफॉर्मवर होत आहे. पंतप्रधान मोदींनी शुभेच्छा दिल्या. ते म्हणाले, योग दिन हा विश्व बंधुत्त्वाचा संदेश देणारा दिवस आहे. कोरोना व्हायरस आपल्या श्वसन यंत्रणेवर हल्ला करतो. मात्र, प्राणायम केल्यास ही यंत्रणा मजबूत होते. अनुलोम-विलोम, भ्रामरी यांसारखे प्राणायम करण्याचे प्रकार आहेत. प्राणायम केल्याने आपली रोगप्रतिकारशक्ती वाढते. 

पुण्याच्या बातम्या वाचण्यासाठी येथे  क्लिक करा

दरम्यान, 'योगा अ‍ॅट होम, योगा विथ फॅमिली' असे यंदाच्या आंतरराष्ट्रीय योग दिनाचे घोषवाक्य आहे. आज सकाळी सात वाजता या कार्यक्रमाला सुरुवात झाली. ऑनलाईनच्या माध्यमातून योग दिवस साजरा केला गेल्याने देशातील अनेकांनी घरबसल्या योग दिन साजरा केला. 

आयुष मंत्रालयाकडूनही तयारी

पंतप्रधान नरेंद्र मोदी यांच्या प्रस्तावानुसार 21 जून हा आंतरराष्ट्रीय योग दिन म्हणून घोषित करण्याचा निर्णय संयुक्त राष्ट्रांच्या महासभेने 11 डिसेंबर 2014 रोजी घेतला होता.  त्यानुसार दरवर्षी योगदिवस साजरा केला जात आहे. तसेच यंदाच्या योगदिनी लेह येथे मोठा कार्यक्रम घेण्याची तयारी आयुष मंत्रालयाने केली होती. मात्र, कोरोना व्हायरसच्या साथीमुळे हा कार्यक्रम रद्द करण्यात आला. 

कोरोनावर मात करण्यासाठी मदत

कोरोना व्हायसरचा संसर्ग रोखण्यासाठी सध्या सर्वच देशांकडून प्रयत्न केले जात आहे. कोरोनाचा संसर्ग टाळण्यासाठी रोगप्रतिकारशक्ती सर्वात जास्त गरजेची आहे. त्यामुळे नियमित व्यायाम आणि योगाच्या साहाय्यानेच कोरोनावर मात करता येऊ शकते.