प्रशांत किशोर यांची टीम नजरकैदेत; तृणमूल काँग्रेसचा भाजपवर हल्लाबोल

नवी दिल्ली : राजकीय रणनीतीकार आणि पश्चिम बंगालमधील तृणमूल काँग्रेसच्या विजयाचे शिल्पकार प्रशांत किशोर यांची कंपनी IPACच्या टीमला त्रिपुरा पोलिसांनी ताब्यात घेतलं आहे. येथील एका हॉटेलमध्ये टीमच्या सर्व सदस्यांना ठेवण्यात आलं आहे. यावरुन ममता बॅनर्जी यांचे पुतणे आणि खासदार अभिषेक बॅनर्जी यांनी ट्विटकरुन भाजपवर निशाणा साधला आहे. (Prashant Kishor team confined Tripura hotel aau85)

अभिषेक बॅनर्जी यांनी ट्विट करत म्हटलं की, "तृणमूल काँग्रेससाठी त्रिपुराला गेलेल्या प्रशांत किशोर यांच्या टीमला तिथल्या भाजप सरकारनं ताब्यात घेतलं आहे. पश्चिम बंगालमध्ये तृणमूल काँग्रेसच्या विजयामुळं भाजप खवळला आहे."

दरम्यान, त्रिपुरा पोलिसांनी याचा इन्कार केला असून हे खोटं वृत्त असल्याचं म्हटलं आहे. किशोर यांच्या टीमकडे केवळ चौकशी केली जात आहे, त्यांना ताब्यात घेतलेलं नाही, असं पोलिसांनी म्हटलं आहे.