MIM चा राष्ट्रपतीपदाचे उमेदवार यशवंत सिन्हांना जाहीर पाठिंबा; असदुद्दीन ओवैसींची मोठी घोषणा | Sakal
sakal

बोलून बातमी शोधा

Asaduddin Owaisi Yashwant Sinha

विरोधी पक्षाचे राष्ट्रपतीपदाचे उमेदवार यशवंत सिन्हा यांनी आपला उमेदवारी अर्ज दाखल केलाय.

MIM चा राष्ट्रपतीपदाचे उमेदवार यशवंत सिन्हांना जाहीर पाठिंबा; ओवैसींची मोठी घोषणा

नवी दिल्ली : AIMIM प्रमुख असदुद्दीन ओवैसी (Asaduddin Owaisi) यांनी 2022 च्या राष्ट्रपतीपदाच्या निवडणुकीत (Presidential Election 2022) विरोधी पक्षाचे उमेदवार यशवंत सिन्हा (Yashwant Sinha) यांना पाठिंबा देण्याची घोषणा केलीय. ओवैसींनी ट्विट करून ही घोषणा केलीय.

ओवैसी म्हणाले, एआयएमआयएमचे आमदार राष्ट्रपतीपदाच्या निवडणुकीत विरोधी पक्षाचे उमेदवार यशवंत सिन्हा यांना मतदान करतील. ओवैसींनी आपल्या ट्विटमध्ये लिहिलंय, 'एआयएमआयएमचे आमदार राष्ट्रपतीपदाच्या निवडणुकीत विरोधी उमेदवार यशवंत सिन्हा यांना मतदान करतील. याआधीही यशवंत सिन्हा माझ्याशी फोनवर बोलले होते. 21 जून रोजी विरोधी पक्षाच्या एका मोठ्या बैठकीत राष्ट्रपतीपदाच्या निवडणुकीसाठी यशवंत सिन्हा यांच्या नावाची संयुक्तपणे घोषणा करण्यात आली होती.'

हेही वाचा: महाराष्ट्रात लवकरच भाजप-सेनेचं सरकार; दीपक केसरकरांनी व्यक्त केला विश्वास

यशवंत सिन्हांना 'टीआरएस'चाही पाठिंबा

दरम्यान, उमेदवार बनवल्यापासून यशवंत सिन्हा यांनी पाठिंब्यासाठी अनेक पक्षांशी चर्चा सुरू केलीय. यापूर्वी सोमवारी, तेलंगणाचे मुख्यमंत्री केसीआर यांच्या नेतृत्वाखालील तेलंगणा राष्ट्र समितीनं (TRS) त्यांना पाठिंबा जाहीर केला होता.

हेही वाचा: गुप्तधन प्रकरण: सांगलीत सामूहिक आत्महत्या नाही तर 9 जणांची हत्या

यशवंत सिन्हा यांनी अर्ज दाखल केला

विरोधी पक्षाचे राष्ट्रपतीपदाचे उमेदवार यशवंत सिन्हा यांनी आपला उमेदवारी अर्ज दाखल केलाय. प्रसारमाध्यमांशी बोलताना उमेदवार यशवंत सिन्हा म्हणाले, राष्ट्रपती भवनात केवळ अशा व्यक्तीनंच जावं, जो या जबाबदाऱ्या पार पाडू शकेल, असं त्यांनी नमूद केलं होतं.

द्रौपदी मुर्मू एनडीएनच्या उमेदवार आहेत

एकीकडं विरोधकांकडून यशवंत सिन्हा यांना राष्ट्रपतीपदाच्या निवडणुकीसाठी उमेदवार बनवण्यात आलंय, तर दुसरीकडं एनडीएनं झारखंडच्या माजी राज्यपाल द्रौपदी मुर्मू (Draupadi Murmu) यांना उमेदवार म्हणून घोषित केलंय.

Web Title: Presidential Election Aimim Chief Asaduddin Owaisi Support Opposition Candidate Yashwant Sinha

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
go to top