पुलवामा हल्ल्याबाबत सौदीचे मौनव्रतच

नवी दिल्ली : भारत व सौदी अरेबियामध्ये आज (ता. 20) महत्त्वपूर्ण पाच करार झाले. सौदीचे राजा मोहम्मद बिन सलमान हे मंगळवारी भारताच्या दौऱ्यावर आले आहेत. या दरम्यान भारत व सौदीमध्ये दोन्ही देशांना उपयुक्त असे पाच करार झाले. तसेच मोहम्मद बिन सलमान यांनी दहशतवाद संपविण्यासाठी पूर्ण सहकार्य करू असेही सांगितले.

दोन्ही देशांमध्ये झालेले महत्त्वपूर्ण करार
- ऊर्जा करार
- पर्यटन क्षेत्रात एमओयूवर स्वाक्षऱ्या
- द्विपक्षीय व्यापारासंबंधी करार
- प्रसार भारती व सौदी अरबमध्ये प्रसारणसंबंधी करार
- आंतरराष्ट्रीय सौरऊर्जेसंबंधी करार

सलमान हे भारतदौऱ्याच्या आधी पाकिस्तानमध्ये जाऊन आले आहेत. पुलवामातील दहशतवादी हल्ल्याबाबात सलमान यांनी कोणतेही उद्गार काढले नाही. पण दहशतवाद संपविण्यासाठी आम्ही भारताला संपूर्ण सहकार्य करू असेही सांगितले.