पंजाबमधील (Punjab Elections) जालंधरमध्ये शिरोमणी अकाली दलाच्या आमदाराच्या निवडणूक सभेत (meeting) गोळीबार (Firing) झाल्याची घटना समोर आली आहे. या घटनेत एक जण जखमी झाला आहे. गोळीबाराच्या वेळी आमदार घटनास्थळावरून निघून गेल्याचे सांगण्यात येत आहे. आमदारांनी या प्रकरणाचा खुलासा करीत हे प्रकरण भांडणकर्त्यांमधील वैयक्तिक भांडणाशी संबंधित असून, निवडणुकीच्या कार्यक्रमाशी काहीही संबंध नसल्याचे सांगितले. सोढी बाथ असे जखमी व्यक्तीचे नाव आहे.
मिळालेल्या माहितीनुसार, जालंधरच्या नकोदरच्या चुहार गावात गुरुवारी झालेल्या गोळीबारात सोढी बाथ हा जखमी झाला. शिरोमणी अकाली दलाचे आमदार गुरप्रीत वडाळा यांनी आयोजित केलेल्या निवडणूक रॅलीच्या ठिकाणी ही घटना घडली. गोळीबाराच्या वेळी आमदार घटनास्थळावरून निघून गेले होते.
आमदार निवडणुकीच्या ठिकाणाहून निघून गेल्यानंतर गावातील तरुण आणि काही बाहेरील लोकांमध्ये शाब्दिक युद्ध झाले आणि गोळीबार (Firing) करण्यापूर्वी त्यांनी लाकडी दांडक्याने एकमेकांवर हाणामारीही केल्याचे सांगितले जात आहे. बैठक अत्यंत शांततेच्या वातावरणात पार पडली असून या वादाला कोणताही राजकीय रंग नसल्याचे आमदार म्हणाले. ही त्यांची वैयक्तिक लढाई होती, असेही ते ठमपणे म्हणाले.
गावात निवडणूक बैठक (Punjab Elections) बोलावली (meeting) होती. घटना घडण्याच्या १५ मिनिट आधी निघून गेले होते. पीडित गावच्या माजी सरपंचाचा ड्रायव्हर आहे. तो देखील बैठकीला उपस्थित होता, असे आमदार गुरप्रीत वडाळा यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
