Viral Video: पोलिसांचा आरोपीवर फिल्मी स्टाईल गोळीबार; घटना CCTVमध्ये कैद | Sakal
sakal

बोलून बातमी शोधा

Viral Video

Viral Video: पोलिसांचा आरोपीवर फिल्मी स्टाईल गोळीबार; घटना CCTVमध्ये कैद

चंदीगढ : आज सकाळी पंजाबमधील पोलिसांचा एक व्हिडिओ व्हायरल झाला आहे. त्यामध्ये पंजाबच्या फिरोजपूर येथे पोलिस आरोपींच्या एका कारचा फिल्मी स्टाईल पाठलाग करताना दिसत आहेत. पांढऱ्या रंगाच्या एका स्विफ्ट डिझायर कारचा पाठलाग पोलिस करत असून पोलिसांनी या गाडीवर गोळीबारही केला आहे. या सगळ्या झटापटीनंतर पोलिसांनी दोघांना अटक केल्याची माहिती समोर आली आहे.

(Punjab Police Firing Viral Video)

पोलिसांनी दिलेल्या माहितीनुसार, ड्रग्सची तस्करी करणाऱ्या आरोपींचा छडा लावण्यासाठी पोलिसांनी सापळा रचला होता. रस्त्यावर नाकाबंदी सुरू असताना आरोपीला संशय आल्यावरून त्यांनी तेथून पळ काढला पण पोलिसांनी त्यांचा फिल्मी स्टाईल पाठलाग केला. बराच पाठलाग करूनही पोलिसांना आरोपीला पकडण्यात यश न आल्याने त्यांच्यावर गोळीबार करण्यात आला. अखेरीस आरोपींना पकडण्यात पोलिसांना यश आलं असून त्यांना अटक करण्यात आली आहे.

अटक करण्यात आलेल्या आरोपींकडून १० ग्रॅम हेरॉईन जप्त करण्यात आलं आहे. त्याचबरोबर अधिकचा तपास सुरू असल्याचं पोलिसांनी सांगितलं आहे.

Web Title: Punjab Police Filmy Style Firing Drugs Smuggling Criminal Video Viral

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Punjabpolicecrime