Cultural Diplomacy Ahead of the Visit: Russian Art Exhibition in Delhi
Sakal
नवी दिल्ली : येत्या 4 व 5 डिसेंबर रोजी रशियाचे अध्यक्ष व्लादिमीर पुतिन भारताला भेट देणार आहेत. अमेरिकेचे अध्यक्ष डोनाल्ड ट्रम्प यांच्याबरोबर भारताचे संबंध तणावग्रस्त असताना, रशियाकडून खनिज तेल खरेदी विक्रीवर ट्रम्प यांनी बंधने घातली असताना व दुतर्फा व्यापारविषयक वाटाघाटी अर्धवट राहिल्या असताना होणारी पुतिन यांची दिल्ली भेट भारत-रशिया मैत्री भक्कम पायावर उभी आहे, हेच दर्शविणार आहे. भेटीच्या पार्श्वभूमीवर दिल्लीतील रशियन दूतावासाने दिलेली जाहिरात व त्यातील राजदूत डेनिस आलिपोव्ह यांचे वक्तव्य बरेच काही सांगून जाते. या जाहिरातीत रशियाचे राष्ट्रीय कलाकार निकास सॅफ्रोनोव्ह यांचे स्वतःचे पोर्टेरेट आहे. त्याचबरोबर त्यांनी काढलेली आणखी दोन पेंटिंग्ज दिसतात.