सबस्क्राईब करा
उत्तर प्रदेशच्या जालौन जिल्ह्यातून एक धक्कादायक प्रकार समोर आला आहे. याठिकाणी एका लहान मुलीचा रेबीजमुळे मृत्यू झाला. मात्र, मरण्यापूर्वी या मुलीने गावातील सुमारे ४० जणांचा चावा घेतला होता. यामुळे आता संपूर्ण गावात दहशत पसरली आहे.
क्योलारी या गावामध्ये हा प्रकार समोर आला आहे. याठिकाणी राहणाऱ्या मंगल कुशवाहा यांची अडीच वर्षांची मुलगी आपल्या मामाच्या गावी, हिडोखरा येथे गेली होती. याठिकाणी या एका भटक्या कुत्र्याने या मुलीचा चावा घेतला होता. याकडे तिथे कोणीही लक्ष दिलं नाही.
यानंतर ही मुलगी आपल्या घरी परत आली होती. दोनच दिवसांमध्ये तिच्यामध्ये रेबीजची लक्षणं दिसू लागली. यामुळे या मुलीने गावामधील सुमारे ४० हून अधिक नागरिकांचा चावा घेतला. याममध्ये तिच्या घरातील व्यक्तींचाही समावेश होता.
एक दिवस खेळता खेळता ही मुलगी चक्कर येऊन पडल्यामुळे तिला जिल्हा रुग्णालयात नेण्यात आलं. तिथून तिला झाँसीला रेफर करण्यात आलं. याठिकाणी उपचार सुरू असतानाच तिचा मृत्यू झाला.
या मुलीला आधी एखाद्या डॉक्टरकडे नेण्याऐवजी भोंदूबाबाकडे नेण्यात आलं होतं. यामुळेच तिच्यातील संसर्ग अधिक पसरला असा आरोप काही गावकऱ्यांनी केला आहे. तसंच, या मुलीला चावल्यानंतर काही दिवसांमध्येच या कुत्र्याचाही मृत्यू झाल्याचं हिडोखरा गावातील लोकांनी सांगितलं.
या घटनेमुळे दोन्ही गावातील नागरिकांमध्ये दहशतीचं वातावरण निर्माण झालं आहे. ज्यांना ज्यांना या मुलीने चावलं किंवा नखांनी ओरबाडलं होतं, ते सर्व लोक रेबीजची लस घेण्यासाठी दवाखान्यात जात आहेत.
दरम्यान जालौनचे मुख्य वैद्यकीय अधिकारी डॉ. एनडी शर्मा यांनी सांगितलं, की मानवाच्या चावण्यामुळे रेबीजचा प्रसार होत नाही. केवळ जनावरांच्या चाव्यातून याचा संसर्ग होऊ शकतो. त्यामुळे नागरिकांनी घाबरून जाऊ नये. तसंच, आपल्याकडे पुरेशा रेबीज लसी उपलब्ध असल्याचंही शर्मा यांनी यावेळी स्पष्ट केलं.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
