कित्येकांचे हास्य मोदी सरकारने हिरावले - राहुल गांधी

नवी दिल्ली : निवडणुकीच्या रणधुमाळीत लोकांच्या मुलभूत मुद्द्यांचा विसर राजकारण्यांना पडला आहे. उठसूठ प्रत्येक जण एकमेकांवर आरोप-प्रत्यारोप करित आहेत. रोजगार, महागाई, पेट्रोल-डिझेलचे भाव यासह इतर मुद्दे राजकारणी विसरल्याचे दिसत आहे. आकड्यातून स्पष्ट दिसते, की महागाई वाढत चालली असून उत्पन्न घटत आहे, या शब्दात काँग्रेस (Congress Party) नेते राहुल गांधी यांनी सद्यःस्थितीचा उल्लेख केला आहे. आज केलेल्या ट्विटमध्ये पुढे ते म्हणतात, मात्र जनतेचे दुःख आणि वेदना कसे मोजावे? कित्येक कुटुंब वाळलेली भाकर खाण्यास मजबूर आहेत? किती मुलांना शाळांमधून काढण्यात आले? किती महिलांचे दागिने गाहाण ठेवले गेले? कित्येकांचे हास्य मोदी सरकारने हिरावले, अशी टीका राहुल गांधी (Rahul Gandhi) यांनी मोदी सरकारवर केली आहे. (Rahul Gandhi Attack Modi Government Over Inflation, Unemployment)

त्यांच्या ट्विटला प्राची शिरुर यांनी मोदींचा एक व्हिडिओसह प्रतिक्रिया दिली आहे. त्या म्हणतात, जनता महागाईचा मार झेलत आहे आणि मोदीजी (Narendra Modi) फोटोशूटमध्ये मस्त आहेत. लिहिण्याचेही नाटक करित आहेत. साक्षर असते तर गरिबी आणि महागाईचे आकडे समजले असते. त्यांनी गरिबांना काही तरी दिलासा दिला असता.