मोदींपाठोपाठ राहुल गांधींनीदेखील बदलला DP; टीकाकारांना दिलं प्रत्युत्तर

.दिल्ली : काँग्रेस नेते राहुल गांधी यांनी स्वातंत्र्याच्या अमृतमहोत्सवाच्या पार्श्वभूमिवर आपल्या ट्वीटर अकाउंटचा प्रोफाईल फोटो बदलला आहे. माजी दिवंगत पंतप्रधान पंडित नेहरू यांचा भारतीय ध्वाजासोबत असलेला फोटो त्यांनी अपडेट केल्यामुळे भाजपकडूनही त्यांच्यावर टीका होत आहे.

(Rahul Gandhi Changes Twitter Profile Picture)

"देश की शान है, हमारा तिरंगा हर हिंदुस्तानी के दिल में है, हमारा तिरंगा" असा आशय लिहित राहुल गांधी यांनी ट्वीटरवर हा फोटो पोस्ट देखील केला आहे. दरम्यान स्वातंत्र्यांच्या अमृतमहोत्सवाच्या पार्श्वभूमिवर पंतप्रधान नरेंद्र मोदी यांनी हर घर तिरंगा मोहिम काढली असून देशातील प्रत्येक घरावर तिरंगा लागला पाहिजे असं अवाहन केलं आहे.

सत्ताधारी भारतीय जनता पक्षाच्या आरोपाला राहुल गांधी (Rahul Gandhi) यांनी त्यांच्याच शैलीत उत्तर दिले आहे. त्यांनी ट्विटरवर प्रोफाईल पिक्चर तर बदललेच पण एक मेसेजही लिहिला. राहुल गांधींनी तिरंग्याच्या चित्रासह डीपी बदलला आहे. या छायाचित्रात देशाचे पहिले पंतप्रधान पंडित जवाहरलाल नेहरू (Pandit Jawaharlal Nehru) तिरंगा धरलेले दिसत आहे. राहुलने हे छायाचित्र ट्विट करून लिहिले, "देशाची शान आमचा तिरंगा आहे; आपला तिरंगा प्रत्येक भारतीयाच्या हृदयात आहे."

पंतप्रधान नरेंद्र मोदी यांनी आपल्या सोशल मीडियाच्या अकाउंटचा डीपी बदलून तिरंगा (Indian Flag) ठेवला आहे. यानंतर सोशल मीडियात स्पर्धा लागल्याची पहायला मिळालं असून सर्व केंद्रीय मंत्री, खासदार, भाजप नेते यांच्याशिवाय सर्वसामान्यांनीही आपले डीपी बदलले आहेत.