नवी दिल्ली - काँग्रेसचे नेते राहुल गांधी आणि त्यांच्या सहकाऱ्यांनी आज संरक्षणविषयक संसदीय समितीच्या बैठकीतून तडक वॉकआउट केले. देशाच्या संरक्षणाशी संबंधित अनेक महत्त्वाचे विषय प्रलंबित असताना ही समिती मात्र जवानांच्या गणवेषावर चर्चा करण्यात वेळ वाया घालवीत असल्याचा आरोप राहुल आणि त्यांच्या सहकाऱ्यांनी केला आहे. राहुल यांच्यासोबत वॉकआउट करणाऱ्या नेत्यांमध्ये राजीव सातव आणि रेवनाथ रेड्डी यांचाही समावेश होता, अशी माहिती सूत्रांनी दिली.
संसदीय समितीचे अध्यक्ष असलेले भाजपचे नेते ज्युएल ओराम यांनी गांधी यांना या बैठकीत बोलण्यापासून रोखले. राहुल यांनी यावेळी चिनी सैन्याची घुसखोरी आणि लडाखमधील सीमेवर तैनात करण्यात आलेल्या जवानांच्या शस्त्रसज्जतेबाबत विचारणा केली होती.
बैठकीला सरसेनाध्यक्ष जनरल बिपिन रावत देखील उपस्थित होते. यावेळी बैठकीमध्ये राजकीय नेतृत्वाबाबत चर्चा केली जात असताना राहुल यांनी देशाच्या सुरक्षेबाबत चर्चा करण्याचा आग्रह धरला. लडाखमध्ये चीनविरोधात लढताना लष्करास अधिक मजबूत कसे करता येईल, ही बाब राहुल यांच्याकडून समितीसमोर मांडण्यात आली पण त्यांना बोलण्यापासून रोखण्यात आले.
निषेध म्हणून त्याग
राहुल गांधी यांनी देशाच्या संरक्षणसज्जतेबाबत बोलायला सुरवात केली असता या समितीच्या अध्यक्षांनी त्यांना यापासून रोखले. याचा निषेध म्हणून राहुल आणि त्यांच्यासोबत असलेल्या राजीव सातव आणि रेवानाथ रेड्डी यांनी बैठकीतून बाहेर पडण्याचा निर्णय घेतला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.