Video : प्रियांका-राहुलची मस्ती अन् कार्यकर्त्यांसोबत धमाल डान्स | Bharat Jodo Yatra

काँग्रेस नेते राहुल गांधी यांच्या भारत जोडो यात्रेचा आज शेवटचा दिवस होता. कन्याकुमारीहून निघालेली यात्रा काश्मिरातल्या श्रीनगर येथे समाप्त झाली. तर यावेळी राहुल गांधी यांनी बर्फवृष्टी होत असतानाही भाषण केले. यावेळी प्रियांका गांधी आणि राहुल गांधी एकमेकांसोबत बर्फ खेळताना दिसले. त्यांचा हा व्हिडिओ सध्या सोशल मीडियावर व्हायरल होत आहे.

हेही वाचा - T+1 Settlement मुळे वाढेल शेअर बाजारातली उलाढाल

भारत जोडो यात्रेचा शेवटचा दिवस आज असल्यामुळे काँग्रेसचे सगळे नेते आनंदात दिसत होते. त्याचबरोबर सकाळी सकाळी बर्फवृष्टी सुरू असताना त्यांनी बर्फासोबत खेळणे पसंत केले. त्यांनी बर्फाचे गोळे प्रियांका गांधी यांच्यावर डोक्यावर उधळले, त्यानंतर त्यांनीही राहुल गांधी यांच्यावर बर्फ उधळला आहे. यावेळी दोघेही आनंदी होते. त्यांच्यासोबत इतर काँग्रेस नेत्यांनीही यावेळी आनंद लुटला आहे.

बर्फवृष्टी सुरू असताना राहुल गांधी यांनी केले भाषण

आज भारत जोडो यात्रेचा शेवटचा दिवस होता. यावेळी यात्रेच्या समारोपाचे भाषण त्यांनी केले. पण सभेच्या ठिकाणी सतत बर्फवृष्टी होत असल्याने त्यांची सभा रद्द होणार असल्याची शक्यता होती. पण त्यानंतरही त्यांनी भारत जोडो यात्रेच्या समारोपाचे भाषण केले आहे.