Rajiv Gandhi : भारत जोडायला निघालेल्या राहुल गांधींच्या वडिलांच्या खुन्यांची मुक्तता

काँग्रेस नेते राहुल गांधी यांची भारत जोडो यात्रा सध्या सुरू आहे. ही यात्रा सध्या महाराष्ट्रात पोहोचलेली आहे. याच दरम्यान, आता त्यांचे वडील आणि देशाचे माजी पंतप्रधान राजीव गांधी यांच्या खुन्यांची सुटका होणार आहे.

सर्वोच्च न्यायालयाने हा निर्णय दिला आहे. राजीव गांधींच्या हत्येप्रकरणी दोषी आढळलेले नलिनी श्रीहरन आणि पी रविचंद्रन यांची जेलमधून मुक्तता होणार आहे. न्यायमूर्ती बी आर गवई यांच्या अध्यक्षतेखालील सर्वोच्च न्यायालयाच्या खंडपीठाने त्यांची वागणूक समाधानकारक असल्याने त्यांच्या शिक्षेचा कालावधी पू्र्ण होण्याआधीच त्यांची सुटका करण्य़ाची परवानगी दिली आहे.

प्रियंका गांधी वड्रा यांनी काही वर्षांपूर्वी आपल्या वडिलांच्या हत्येतली आरोपी नलिनी श्रीहरनची भेट घेतली होती. त्यानंतर त्यांनी रडत रडत आपल्या वडिलांच्या हत्येबद्दल जाबही विचारला होता. तर सध्या राहुल गांधी भारत जोडो यात्रेवर निघाले आहेत. देशभर त्यांचे दौरे सुरू झाले आहेत. सध्या त्यांची भारत जोडो यात्रा महाराष्ट्रात आहे.