"व्हॅटिकन सिटी, मक्काच्या धर्तीवर करणार राम जन्मभूमीचा विकास"

नवी दिल्ली : अयोध्येत तयार होत असलेल्या रामजन्मभूमी तीर्थक्षेत्राचा विकास व्हॅटिकन सिटी आणि मक्काच्या धर्तीवर करण्यात येईल, अशी घोषणा विश्व हिंदू परिषदेनं केली आहे. विंहिपचे प्रमुख रविंद्र नारायण सिंह रविवारी नागपूरमध्ये बोलत होते.

नारायण सिंह म्हणाले, इटलीचं व्हॅटिकन शहर हे ख्रिश्चन धर्मियांचं सर्वोच्च धार्मिक स्थळ आहे. तर सौदी अरेबियात असलेल्या मक्का या मुस्लीम धर्मियांच्या सर्वोच्च धार्मिकस्थळ आहे. याच धर्तीवर भारतातील अयोध्येत साकारत असलेलं रामजन्मभूमी तीर्थक्षेत्र हे हिंदूंचं सर्वोच्च स्थळ असेल. विहिंपच्या प्रमुखांची ही घोषणा यासाठी महत्वपूर्ण आहे कारण हिंदुंच्या विविध धार्मिक स्थळांपैकी रामाचं जन्मस्थळ अयोध्येला हिंदुंचं सर्वोच्च तीर्थक्षेत्र घोषीत करत आहे.

नागपूरमधील कार्यक्रमानंतर पत्रकारांशी चर्चे करताना विहिंपच्या प्रमुखांनी देशात धर्मांतरासाठी विदेशी फंडिंगवर निर्बंध आणण्यासाठी मोदी सरकारचं कौतुक केलं. त्यांनी मुस्लीम समाजाला देखील अपील केलं की, त्यांनी देशाच्या सेवेसाठी हिंदुंसोबत हात मिळवावा. हिंदू विचार करतात की, त्यांचं काही बिघडत नाही. याच कारणामुळं आम्हाला आव्हानांचा सामना करावा लागत आहे. त्यांनी आरोप केला की, ख्रिश्चन मिशनरीज आदिवासी भागात धर्मांतरासाठी आदिवासी क्षेत्रात रुग्णालय आणि शाळा चालवत आहेत. हे मिशनरीज हिंदू धर्माला उखडून काढण्यासाठी पूर्ण योजनेंतर्गत काम करत आहे.

रविंद्र नारायण सिंह यांनी यावेळी दोन्ही भारताचे लोक जीडीपीची जास्त चिंता करत आहेत. आपल्या मुलांना संस्कारक्षम बनवा. जनकल्याण परिषद विदर्भ आणि पूर्व महाराष्ट्रात हिंदुंच्या कल्याणासाठी विविध योजना सुरु करेल.