मतदान राम नाही, तर जनता करणार : अब्दुल्ला

नवी दिल्ली : अयोध्या येथे राम मंदिर उभारण्यासाठी भाजपच्या एका खासदाराने खासगी विधेयक आणण्याची तयारी सुरु केली आहे. त्यानंतर यावर आता जम्मू काश्मीरचे माजी मुख्यमंत्री आणि नॅशनल कॉन्फरन्सचे नेते फारुख अब्दुल्ला यांनी भाजपवर जोरदार टीका केली. ते म्हणाले, ''मतदान करायला राम किंवा अल्ला येणार नाहीत. जनताच सरकार निवडून देणार आहे''. 

अब्दुल्ला यांनी सांगितले, की 2019 मध्ये प्रभू रामाच्या मुद्यावर निवडणुका जिंकू असे त्यांना वाटत आहे. मात्र, निवडणूक जिंकण्यासाठी त्यांना राम किंवा अल्ला मतदान करायला येणार नाही. हे त्यांनी लक्षात ठेवावे. जर आगामी निवडणूक 2019 मध्ये प्रभू रामाच्या मुद्यावर निवडणुका जिंकता येतील, असे त्यांना वाटत असेल, तर राम किंवा अल्ला त्यांना मदत करणार नाही, असा टोलाही त्यांनी लगावला. 

दरम्यान, राम मंदिर उभारणीसाठी खासगी विधेयक आणण्यात येईल, असे भाजपच्या एका खासदाराने सांगितल्यानंतर अब्दुल्ला यांनी हे विधान केले.