Crime News : भयंकर घटना! दीड वर्षांच्या चिमुरडीचा पुरलेला मृतदेह उकरून काढून केला बलात्कार

Gujarat Crime News : एका दीड वर्षांच्या मुलीच्या (Girl) मृतदेहावर बलात्कार झाल्याची भयंकर घटना गुजरातमध्ये घडलीये. येथील थानगढ परिसरात ही घटना घडली असून विकृताचा शोध सुरू आहे.

या मुलीचा मृत्यू 25 फेब्रुवारीला झाला होता. गुजरात पोलिसांनी (Gujarat Police) मुलीचा मृतदेह कबरीतून बाहेर काढून तिच्यावर बलात्कार केल्याच्या घटनेचा तपास सुरू केलाय.

पीडितेच्या कुटुंबीयांनी दिलेल्या माहितीच्या आधारे गुन्हा दाखल झाल्यानंतर हा प्रकार समोर आला. पीडितेच्या हृदयात जन्मजात छिद्र असल्याने तिच्यावर उपचार सुरू होते. 25 तारखेला तिचा मृत्यू झाला. त्याच दिवशी तिचं दफन करण्यात आलं.

पीडितेचे वडील दुसऱ्या दिवशी जेव्हा तिला दफन केलेल्या जागी गेले, तेव्हा त्यांच्या पायाखालची जमीनच सरकली. पीडितेचा मृतदेह तिच्या मातीच्या थडग्यावर होता. तिच्या अंगावर एकही कपडा नव्हता. जेव्हा तो मृतदेह शवविच्छेदनासाठी पाठवला तेव्हा डॉक्टरांनीही प्रथमदर्शनी तो पाहून बलात्काराची शंका व्यक्त केली. अद्याप तिचा शवविच्छेदन अहवाल येणं बाकी आहे. दरम्यान, पोलिसांनी या विकृताचा शोध सुरू केला आहे.