Rishabh Pant Accident : ऋषभ पंत 130च्या स्पीडने पळवायचा गाडी, जुना Video Viral

भारतीय क्रिकेटपटू ऋषभ पंत याचा आज सकाळी अपघात झाला. उत्तराखंडमध्ये त्याच्या गाडीला अपघात झाला असून यामध्ये तो जबर जखमी झाला असल्याची माहिती आहे. त्याला दिल्ली येथे रूग्णालयात उपचारासाठी हलवण्यात आलं आहे. त्याच्याकडे असलेल्या मर्सडिज गाडीचाही चुराडा झाला असून अपघातानंतर गाडीने पेट घेतला होता. तर या पार्श्वभूमीवर त्याचा जुना व्हिडिओ व्हायरल झाला आहे.

हेही वाचा - जोखमीचे भान राखूनच करा SIP मध्ये गुंतवणूक

ऋषभ पंत हा १३० च्या स्पीडने गाडी चालवत असतानाचा त्याचा जुना व्हिडिओ समोर आला असून तो समाज माध्यमांत व्हायरल झाला आहे. तर अनेकजण त्याला एवढ्या स्पीडने गाडी चालवल्यामुळे ट्रोल करत आहेत. व्हायरल होत असलेल्या व्हिडिओमध्ये तो रस्त्यावर १३० च्या स्पीडने गाडी चालवताना दिसत आहे.

दरम्यान, आज झालेल्या अपघातामुळे त्याच्या अनेक चाहत्यांना धक्का बसला आहे. त्याच्याकडे DL-10-CN- 1717 या नंबरची गाडी होती. तर तो सध्या गंभीर जखमी झाला असून त्यावर उपचार सुरू आहेत. त्याच्या गाडीची अवस्था पाहून आपल्यालाही धक्का बसेल.