Cyrus Mistry Dies : पत्नी रोहिका यांचं महत्त्वपूर्ण आवाहन; म्हटलं उद्या सकाळी...

मुंबई : टाटा सन्सचे माजी चेअरमन सायरस मिस्त्री यांचा रस्ता अपघातात मृत्यू झाल्याने संपूर्ण उद्योग क्षेत्राला धक्का बसला आहे. उद्योग जगतातील तारा निखळल्याची प्रतिक्रिया उमटत आहे. सायरस यांच्या मृत्यूनंतर त्यांच्या पत्नी रोहिका यांनी महत्त्वपूर्ण आवाहन केलं आहे.

रोहिका मिस्त्री यांनी म्हटलं की, आज कुणीही भेट देण्यासाठी गर्दी करू नये. उद्या सकाळपर्यंत पुढील माहिती देण्यात येईल, अशंही रुहिका यांनी म्हटलं आहे.

सायरस मिस्त्री यांच्या निधनानंतर सर्वच क्षेत्रांतून त्यांना श्रद्धांजली वाहण्यात येत आहे. पंतप्रधान नरेंद्र मोदी, काँग्रेस अध्यक्ष राहुल गांधी यांच्यासह देशातील अनेक सेलिब्रिटींनी शोक व्यक्त केला. टाटा सन्सचे अध्यक्ष एन. चंद्रशेखरन यांनीही त्यांच्या माजी चेअरमनला श्रद्धांजली वाहिली आहे.

५४ वर्षीय सायरस मिस्त्री अहमदाबादहून मुंबईला येत होते. गाडीत चार जण होते. रविवारी दुपारी हा अपघात झाला. मुंबईपासून 100 किमी अंतरावर पालघरजवळ महामार्गावर मिस्त्री यांची मर्सिडीज कार दुभाजकाला धडकली. या अपघातात सायरस मिस्त्री यांच्यासह दोघांचा मृत्यू झाला. सायरस मिस्त्री व्यतिरिक्त जहांगीर दिनशा पंडोळे यांचा मृतांमध्ये समावेश आहे. कार चालवत असताना मुंबईतील डॉक्टर अनायता पांडोळे आणि त्यांचे पती दर्यास पांडोळे जखमी झाले.