Saudi Arabia : एका ट्विटसाठी ३४ वर्षीय महिलेला ३४ वर्षांची शिक्षा

मुंबई : ट्विटर वापरल्याप्रकरणी सौदीतील एका महिलेला 34 वर्षांच्या तुरुंगवासाची शिक्षा सुनावण्यात आली आहे. लीड्स युनिव्हर्सिटीच्या एका प्रोफेसरवर ट्विटरवर काही असंतुष्ट कार्यकर्त्यांना फॉलो केल्याचा आणि त्यांचे ट्विट रिट्विट केल्याचा आरोप आहे. सलमा नावाची ही महिला रजेवर घरी आली असता तिला 34 वर्षांची शिक्षा झाली होती. सौदी अरेबियातील विशेष दहशतवादी न्यायालयाने ही शिक्षा सुनावली आहे.

34 वर्षीय सलमा ही दोन मुलांची आई आहे. सलमा अल-शहाबला यापूर्वी अशांतता निर्माण करण्यासाठी आणि नागरी आणि राष्ट्रीय सुरक्षा अस्थिर करण्यासाठी इंटरनेट वेबसाइट वापरल्याबद्दल तीन वर्षांच्या तुरुंगवासाची शिक्षा झाली होती. परंतु सोमवारी, तिला नवीन शिक्षा सुनावण्यात आली, ज्यामध्ये 34 वर्षांचा तुरुंगवास आणि नंतर 34 वर्षांच्या प्रवास बंदीचा समावेश आहे.

सलमाने सोशल मीडिया अकाऊंट्सवर स्वत:ची ओळख डेंटल हायजिनिस्ट आणि पीएचडी विद्यार्थी म्हणून सांगितली आहे. ती प्रिंसेस नौरा बिंत अब्दुलरहमाव विद्यापीठात लेक्चरर आहे, तिचे ट्विटरवर 2500 पेक्षा जास्त फॉलोअर्स आहेत. तिच्या खात्यावर कुटुंबाचे आणि मुलांचे फोटो आहेत.