Shraddha Murder Case: श्रद्धा खून प्रकरणाचं असंही चीन कनेक्शन; धक्कादायक माहिती समोर

नवी दिल्लीः श्रद्धाचा खून करुन तिचे ३५ तुकडे करणारा क्रूरकर्मा आफताब पूनावाला याच्याकडून एक मोठा खुलासा समोर आलेला आहे. काल त्याची नार्को टेस्ट झाली. त्याच्याकडून पोलिसांना महत्त्वाची माहिती मिळाली आहे.

दिल्ली पोलिसांच्या सूत्रांनी दिलेल्या माहितीनुसार या प्रकरणाचं चीन कनेक्शन समोर आलेलं आहे. निर्दयीपणे त्याने श्रद्धाच्या मृतदेहाचे तुकडे केले त्यासाठी त्याने जे चॉपर वापरलं त्यासंबंधी माहिती समोर आली आहे.

हेही वाचाः आरामात फेडू शकाल अशीच घ्या कर्जे....

श्रद्धाच्या मृतदेहाचे तुकडे करण्यासाठी आफताबने जे चॉपर वापरलं ते चाईनीज होतं. नार्को टेस्टदरम्यान आफताबने ते चॉपर कुठं टाकलं त्याबद्दल माहिती दिली. गुरुग्राम येथील त्याच्या कार्यालयासमोर झाडीत ते हत्यार फेकून दिलं. शिवाय श्रद्धाचं शीर महरौलीच्या जंगलात फेकल्याचं त्यांने सांगितलं.

आफताब सध्या तिहार जेलमध्ये आहे. गेल्या दोन आठवड्यापासून हे प्रकरण सुरू आहे. या सर्वादरम्यान, आफताबच्या आवडी निवडी समजल्या आहेत. यामध्ये आफताबला बुद्धीबळ खेळायला आवडतं असल्याचे समजले.

तिहार तुरुंगातील सूत्रांनी दिलेल्या माहितीनुसार, बॅरेक क्रमांक-4 मध्ये बंद असलेला आफताब वेळ घालवण्यासाठी तासन्तास बुद्धिबळ खेळतो. आफताब कोणाशीही बोलत नाही, परंतु जेव्हा दोन चोर बुद्धिबळ खेळत असतात तेव्हा तो एकटक बुद्धिबळकडे पाहत राहतो. खेळादरम्यान, कोणालाही तो मदत करत नाही. तो त्याच्या बॅरेकमध्ये एकटाच बुद्धिबळाचा पट लावतो, अशी माहिती मिळत आहे.