लखबीर सिंह याच्या हत्ये प्रकरणी निहंग सरबजीत सिंह हा शुक्रवारी पोलिसांसमोर हजर झाला होता.
सिंघु सीमेवर शेतकरी आंदोलनासाठी उभारण्यात आलेल्या व्यासपीठाजवळ तरुणाच्या हत्या प्रकरण आता न्यायालयात गेलं आहे. लखबीर सिंह याच्या हत्ये प्रकरणी निहंग सरबजीत सिंह हा शुक्रवारी पोलिसांसमोर हजर झाला होता. त्याला आज न्यायालयात हजर करण्यात आलं. न्यायालयाने त्याला ७ दिवसांची पोलिस कोठडी सुनावली आहे.
निर्दयीपणे तरुणाचे हात आणि पाय कापून त्याचा मृतदेह बॅरिकेड्सला लटकवण्यात आला होता. यासंदर्भात हरयाणा पोलिस शनिवारी मोठा खुलासा करण्याची शक्यता आहे. पोलिस या प्रकरणाची चौकशी करत असून सर्वोच्च न्यायलयात या प्रकरणी एक याचिका दाखल करण्यात आली आहे. सिंघू बॉर्डरून लोकांना हटवण्यात यावं अशी मागणी एका याचिकाकर्त्याने केली आहे. लवकरात लवकर या प्रकरणी सुनावणी व्हावी असंही याचिकेत म्हटलं आहे.
दिल्ली हरयाणा सीमेवर सिंघू बॉर्डरवर शेतकरी आंदोलनाच्या व्यासपीठाजवळच एका तरुणाची बेदम मारहाणीनंतर हत्या करण्यात आली. या नंतर आता जवळपास १५ हून अधिक दलित संघटनांनी राष्ट्रीय अनुसूचित जाती आय़ोगाला एक अर्ज केला असून दोषींवर कठोर कारवाई व्हावी अशी मागणी केली आहे.
शेतकरी नेते राकेश टिकैत यांनी ही घटना अत्यंत चुकीची असल्याचं म्हटलं आहे. जे काही घडलं ते चुकीचं आहे. कोणी त्या तरुणाला मारलं आणि पोलिसांनी गुन्हेगाराला अटक केली आहे. आता हा चौकशीचा विषय आहे.
सिंघू बॉर्डरवर दलित तरुणाची निर्दयीपणे झालेली हत्या ही दु:खद आणि लाजीरवाणी बाब आहे. पोलिसांनी या घटनेकडे गांभीर्याने पाहिलं पाहिजे. तसंच दोषींविरोधात कठोर पावले उचलावीत. तसंच पंजाबच्या मुख्यमंत्र्यांनी लखीमपूर प्रमाणेच या मृत्यू झालेल्या तरुणाच्या कुटुंबियांना ५० लाख रुपये आणि सरकारी मदत द्यावी अशी मागणी बसपा प्रमुख मायावतींनी केली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
