Coronavirus : यूपीत १६ जिल्ह्यांत लॉकडाउन

Uttar Pradesh
Uttar Pradesh

लखनौ - उत्तर प्रदेशमधील १६ जिल्ह्यांत तीन दिवसांचा लॉकडाउन सोमवारपासून सुरू झाला. त्यामुळे नागरिकांनी जीवनावश्‍यक वस्तू खरेदी करण्यासाठी बाजारात धाव घेतली. विक्रेत्यांनी भाजीपाल्यासह अनेक वस्तूंचे भाव वाढविल्याच्या तक्रारी आल्या. 

रविवारच्या ‘जनता कर्फ्यू’नंतर पोलिस बंदोबस्तात आणखी वाढ करण्यात आली. याविषयी लखनौचे पोलिस आयुक्त सुजित पांडे यांनी सांगितले की, नागरिकांना घरातच राहावे, असा संदेश १९० वाहनांतून ध्वनिवर्धकाद्वारे देण्यात आला. बॅंक आणि इतर अत्यावश्‍यक सेवा पुरविणाऱ्या कर्मचाऱ्यांना ओळखपत्र दाखविल्यानंतर सोडण्यात येत होते. लोक विनाकारण भटकणार नाहीत, यादृष्टीने दक्षता घेतली जात होती.

राज्यातील लॉकडाउनचा हा पहिला टप्पा आहे. त्यात गोरखपूर, लखनौ, आग्रा, वाराणसी हे प्रमुख जिल्हे आहेत. या कालावधीत राज्य परिवहन मंडळाची सेवा पूर्णपणे बंद राहणार आहे. 

मुंबई, सुरतमधून लोंढे
जौनपूर, मिर्झापूर, झाशी आदी जिल्ह्यांत मुंबई, सुरत अशा ठिकाणांहून लोकांचे लोंढे येत आहेत. तेथील प्रशासन अशा नागरिकांची यादी तयार करीत आहे. किरकोळ आजारी असलेल्यांनाही विलगीकरण कक्षात पाठविण्यात येत असून, मोफत उपचार दिले जात आहेत.

आंदोलन स्थगित
नागरिकत्व कायद्याच्या विरोधात महिलांनी हुसैनाबाद घंटाघरपाशी पुकारलेले आंदोलन स्थगित करण्यात आले आहे. गेल्या ६६ दिवसांपासून तेथे निदर्शने सुरू होती.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.
Esakal Marathi News
www.esakal.com