‘प्रत्येक विवाहाला हिंसक अन् प्रत्येक पुरुषाला बलात्कारी म्हणता येणार नाही’

वैवाहिक जीवनातील लैंगिक हिंसाचाराचे समर्थन केले जाऊ शकत नाही. कोणीही त्याचे समर्थन करीत नाही. परंतु, याच्या नावाखाली सर्व पुरुषांना बलात्कारी म्हणणे योग्य नाही. देशातील प्रत्येक विवाहाचा निषेध करणे योग्य नाही, असे केंद्रीय मंत्री स्मृती इराणी (Smriti Irani) म्हणाल्या. घरातील वैवाहिक बलात्काराचा मुद्यावर त्या बोलत होत्या.

संसदेच्या अर्थसंकल्पीय अधिवेशनाचा आज तिसरा दिवस आहे. सीपीआय खासदार बिनॉय विश्वम यांच्या ‘विवाहित जीवनातील लैंगिक हिंसा’ (Marital life) या प्रश्नाला इराणी उत्तर देत होत्या. वैवाहिक बलात्काराचे प्रकरण न्यायालयात न्यायप्रविष्ट आहे. देशात ३० हून अधिक हेल्पलाइन आहेत. ज्या महिलांना मदत करतात. वरिष्ठ सदस्यांना याची जाणीव आहे की राज्यसभेतील कार्यपद्धतीचा नियम ४७ सध्या विचाराधीन विषयावर विस्ताराती परवानगी देत ​​​​नाही, असे स्मृती इराणी (Smriti Irani) यांनी सांगितले.

राज्य सरकारांच्या सहकार्याने देशातील महिलांना संरक्षण देण्याचा सरकारचा प्रयत्न आहे. सध्या भारतभर ३० हून अधिक हेल्पलाइन कार्यरत आहेत. ज्यांनी ६६ लाखांहून अधिक महिलांना मदत केली आहे. याशिवाय देशात ७०३ ‘वन स्टॉप सेंटर’ कार्यरत आहेत आणि त्यांनी पाच लाखांहून अधिक महिलांना मदत केली आहे, असेही स्मृती इराणी (Smriti Irani) यांनी सांगितले.

खासदार विश्वम म्हणाले की, प्रत्येक पुरुष हा बलात्कारी आहे, असा त्याचा अर्थ नाही. सोबतच सरकार या मुद्द्यावरची आकडेवारी गोळा करून लवकरात लवकर संसदेत सादर करू शकते का, असा प्रश्न विचारला. केंद्राने राज्य सरकारांशी चर्चा करावी आणि त्यांच्याकडून रेकॉर्ड मागवावे, असे सदस्य सुचवत आहेत. मात्र, आज या सभागृहात राज्य सरकारांच्या वतीने केंद्राला कोणतीही शिफारस करता येणार नाही, असेही इराणी (Smriti Irani) म्हणाल्या.