लखनऊ : उत्तर प्रदेशात विधानसभा (UP Assembly Election 2022) निवडणुका जवळ येताच मोर्च्यांचा हंगाम सुरू झाला आहे. या रॅलींचा राजकीय पक्षांना (Political Party) कितपत फायदा होईल, हे मार्चमध्ये कळेल, मात्र तत्पूर्वी भाजपचे अध्यक्ष जेपी नड्डा यांच्या मंगळवारी पार पडलेल्या रॅलीनंतर (Political Rally) मौदानातील होर्डिंग (Rally Hording) उखडून नेत असल्याचा प्रकार समोर आला आहे. मंगळवारी हापूर येथील गडमुक्तेश्वर येथे नड्डा यांचा मेळावा पार पडला होता त्या होर्डिंग उखडून नेत असल्याचा व्हिडिओ सोशल मीडियावर मोठया प्रमाणात व्हायरल होत आहे. (JP Nadda Rally In UP)
आगामी काळात उत्तर प्रदेशमध्ये विधानसभेच्या (Uttar Pradesh Election 2022) निवडणुका होणार आहेत. त्या पार्श्वभूमीवर सर्वच राजकीय पक्षांनी कामाला सुरूवात केली आहे. त्याचाच एक भाग म्हणून हापूर येथील गडमुक्तेश्वर येथे भाजपचे अध्यक्ष जेपी नड्डा यांच्या मेळाव्याचे आयोजन करण्यात आले होते. दरम्यान, गेल्या काही दिवसांपासून गॅस सिलिंडरच्या दरामध्ये मोठी वाढ झाली असून घरगुती सिलिंडरचे भाव 1000 रुपयांपर्यंत जावू पोहचले आहेत. यामुळे अनेकांचे बजेट कोलमडले आहे.
दरम्यान, नड्डा यांचा मेळावा पार पडल्यानंतर काही महिलांमध्ये मेळाव्यासाठी लावण्यात आलेले होर्डिंग घेऊऩ जात असल्याचा व्हिडिओ सोशल मीडियावर व्हायरल झाला आहे. घरात गॅस सिलिंडर आहे, मात्र त्याच्या किमतीत मोठी वाढ झाली आहे तसेच त्यासाठी 1000 रुपये मोजावे लागतात असे महिलांचे म्हणणे होते. काढून नेण्यात येणारे होर्डिंग स्टोव्ह पेटवण्यासाठी नेत असल्याचे अनेक महिलांनी यावेळी सांगितले. (Women Took Hording For Cook Food After Nadda Rally)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
