ऑनलाइन गेममध्ये ५० लाख गेले, दागिने चोरताना पाहिल्यानं आईला लेकानेच संपवलं; स्क्रू ड्रायव्हरने गळ्यावर वार

ऑनलाइन गेममध्ये ५० लाख रुपये गमावले. त्यानंतर घरातलं सोनं चोरी करताना आईने पाहिलं. आपली बदनामी होणार या भीतीने मुलानं आईची स्क्रू ड्रायव्हरने भोकसून हत्या केली. या प्रकरणी पोलिसांनी आरोपी मुलाला अटक केलीय. उत्तर प्रदेशात लखनऊतील रायबरेली रोड इथं ही घटना घडलीय. घरातलं सोनं चोरी करत असताना अचानक आई आली. निखिलला वाटलं की, आईनं चोरी करताना पाहिलंय. यानंतर त्याची आई ओरडत होती, जीवाची भीक मागत होती. पण नराधम तरुणाने स्क्रू ड्रायव्हरने तिची हत्या केली. डोक्यात सिलिंडर मारला आणि सोनं घेऊन घरातून पळून गेला होता.