esakal | श्रीनगरमध्ये दहशतवाद्यांचा शाळेत गोळीबार; दोन शिक्षकांचा मृत्यू | Kashmir
sakal

बोलून बातमी शोधा

Terrorism

श्रीनगरमध्ये एका शाळेत गोळीबाराची घटना घडली असून यामध्ये दोन शिक्षकांचा मृत्यू झाल्याची माहिती समोर येत आहे.

श्रीनगरमध्ये दहशतवाद्यांचा शाळेत गोळीबार; दोन शिक्षकांचा मृत्यू

sakal_logo
By
टीम ई सकाळ

श्रीनगरमध्ये एका शाळेत गोळीबाराची घटना घडली असून यामध्ये दोन शिक्षकांचा मृत्यू झाल्याची माहिती समोर येत आहे. दहशतवाद्यांनी शाळेच्या शिक्षकांवर गोळीबार केला असून यात मृतांमध्ये महिला मुख्याध्यापकाचा समावेश आहे. जखमी झाल्यानंत त्यांना उपचारासाठी रुग्णालयात दाखल करण्यात आलं होतं. मात्र उपचारापूर्वीच मृत्यू झाल्याचे समजते.

याबाबत मिळालेली माहिती अशी की, श्रीनगरमधील इदगाह परिसरात दहशतवाद्यांनी गोळीबार केला. महिला मुख्याध्यापिकेचं नाव सतिंदर कौर असं आहे तर शिक्षकाचे नाव दीपक चांद असं आहे. दोघांचाही दहशतवाद्यांच्या गोळीबारात मृत्यू झाला आहे.

गोळीबाराच्या घटनेनंतर परिसरात मोठ्या प्रमाणावर सुरक्षा दलाचा फौजफाटा तैनात करण्यात आला आहे. तसंच दहशतवाद्यांचा शोध परिसरात घेतला जात आहे. सर्वसामान्य नागरिकांवर गेल्या काही महिन्यात हल्ले होण्याचं प्रमाण वाढल्यानं लोकांमध्ये भीतीचं वातावरण आहे.

loading image
go to top