Abhishek Kumar worked as a daily wage labourer while preparing for SSC CGL and later became a government officer
esakal
उत्तर प्रदेशातील अमरोहा जिल्ह्यातील अभिषेक कुमार याचा संघर्ष आणि त्यातून मिळवलेले यश अनेक अडचणींवर मात करण्याचे उदाहरण ठरले आहे. गरीब शेतकरी कुटुंबातून आलेल्या अभिषेकने अत्यंत प्रतिकूल परिस्थितीत कुटुंबाची जबाबदारी सांभाळत शिक्षण सुरू ठेवले. दिवसा बांधकाम साईटवर रोजंदारीचे काम आणि रात्री अभ्यास करत त्याने कर्मचारी निवड आयोगाच्या (SSC) परीक्षेची तयारी केली. अखेर SSC CGL 2022 च्या अंतिम निवड यादीत त्याचे नाव आले आणि त्याची सीमाशुल्क व केंद्रीय उत्पादन शुल्क निरीक्षक पदासाठी निवड झाली.
