Supreme Court verdict : प्रत्येक अपघाताला ड्रायव्हर जबाबदार नसतो; सर्वोच्च न्यायालयाने १४ वर्षे जुन्या खटल्यात दिला मोठा निर्णय

Supreme Court verdict: सर्वोच्च न्यायालयाने कर्नाटक राज्य मार्ग परिवहन महामंडळाच्या (KSRTC) एका बस चालकाला २०११ मध्ये झालेल्या एका रस्ते अपघातात प्रवाशाचा मृत्यू झाल्याच्या प्रकरणात निर्दोष मुक्त केले आहे. न्यायालयाने असे निरीक्षण नोंदवले की, जर एखादा चालक वाहकाचा इशारा मिळाल्यावर बस थांबवत असेल किंवा पुढे नेत असेल, तर केवळ त्या आधारावर त्याला 'निष्काळजीपणा'साठी आपोआप दोषी धरले जाऊ शकत नाही.