sakal
नवी दिल्ली : संविधानाच्या अनुच्छेद २१ अंतर्गत मिळालेल्या गोपनीयतेच्या अधिकाराचा आधार घेत पती किंवा पत्नी आपल्या जोडीदारापासून मोबाईल कॉल रेकॉर्ड किंवा हॉटेलमधील वास्तव्याची माहिती लपवू शकत नाही, विशेषतः व्यभिचार सिद्ध करण्यासाठी अशा माहितीची आवश्यकता असल्यास, असे महत्त्वपूर्ण निरीक्षण सर्वोच्च न्यायालयाने नोंदवले आहे. या प्रकरणात एका व्यक्तीने अशी माहिती न्यायालयात सादर करण्यास विरोध करत ती गोपनीयतेच्या मूलभूत अधिकाराचे उल्लंघन असल्याचा दावा केला होता. मात्र, सर्वोच्च न्यायालयाने त्याची याचिका फेटाळून लावली.
