जेवणात बॅण्डेज सापडल्याने स्वीगीने मागितली माफी 

चेन्नई : ऑनलाईन फूड ऑर्डर करणे आता फार काही नवीन गोष्ट नाही. परंतु, स्विगीवरुन अशाप्रकारे ऑर्डर करणे एका व्यक्तीला चांगलच महागात पडले आहे. जवळपास अर्ध जेवण खाल्ल्यानंतर त्या व्यक्तीला त्यात रक्त लागलेले बॅण्डेज सापडले. ही घडना दोन दिवसापूर्वी घडली. त्यानंतर आता स्वीगीने माफी मागितली असून, ज्या आउटलेटमधून हे जेवण मागवण्यात आले होते त्याला निलंबित करण्यात आले आहे.

बालामुरुगन दीनदयालन नावाच्या व्यक्तीने स्विगीवरुन नॉनवेज जेवण ऑर्डर केले होते. जवळपास अर्ध जेवण झाल्यानंतर बालामुरुगनला जेवणाच्या पाकिटात रक्त लागलेले बॅण्डेज सापडले होते. यानंतर बालामुरुगनने याबाबत रेस्टॉरंटकडे तक्रार केली. परंतु, त्यावर हॉटेलकडून कोणताही प्रतिसाद मिळाला नाही.

या सगळ्या प्रकारानंतर बालामुरुगनने स्विगीला टॅग करत फेसबुक पोस्ट लिहिली. "अर्ध जेवण खाल्ल्यानंतर मला हे रक्त लागलेले बॅण्डेज मिळाले. मी रेस्टॉरंटशी संपर्क केला, पण त्यांनी हे प्रकरण गांभीर्याने घेतले नाही. ते एवढंच म्हणाले की, आम्ही दुसरे जेवण पाठवतो. असे वाईट जेवण पुन्हा कोण खाईल. मी स्विगीशी बोलण्याचाही प्रयत्न केला. पण जेवणाची डिलिव्हरी झाल्यानंतर त्यांच्याशी कॉलवरुन थेट बोलण्याचा कोणताही पर्याय नाही. त्यांच्यासोबत केवळ चॅटवर बोलता येते, पण ते तिथेही उत्तर देत नाही."

मला रेस्टॉरंट आणि स्विगी या दोघांवर खटला चालवायचा आहे. कारण स्विगीने अशा रेस्टॉरंटसोबत भागीदारी केली आहे. जे स्वच्छतेच्या छोट्या-मोठ्या गोष्टींची काळजी घेत नाही. उदाहरणार्थ हॅण्ड ग्लोव्जचा वापर, बोटांना जखम झाली तर कर्मचाऱ्यांना किचनमध्ये येण्यास मज्जाव घालणे," 
- बालामुरुगन

यानंतर स्विगीने बालामुरुगन दीनदयालन यांच्या या पोस्टवर स्पष्टीकरण दिले आहे. स्विगीने माफी मागत सांगितले की, "आम्ही या प्रकरणाची कसून चौकशी करु आणि हे नेमके कसे घडले.