Tamilnadu BJP AIDMK Alliance: तमिळनाडूतील विधानसभेच्या आगामी निवडणुकीसाठी (२०२६) केंद्रीय गृहमंत्री अमित शहा यांनी आज अण्णाद्रमुक आणि भाजप यांच्या युतीची घोषणा केली. यावेळी ‘अण्णाद्रमुक’चे सरचिटणीस आणि माजी मुख्यमंत्री ई.के. पलानीस्वामी हे देखील उपस्थित होते.
येथे आलेल्या शहा यांनी मायलापोरमध्ये त्यांचे राजकीय सल्लागार आणि ‘तुघलक’ या नियतकालिकाचे संपादक गुरुमूर्ती यांची भेट घेत त्यांच्याशी विविध मुद्यांवर चर्चा केली. गुरुमूर्ती यांच्यासोबतची चर्चा आटोपल्यानंतर शहा आयटीसी चोला या पंचतारांकित हॉटेलच्या दिशेने रवाना झाले. येथे संयुक्त पत्रकार परिषदेमध्ये त्यांनी युतीची घोषणा केली.
