तमिळनाडूमध्ये संपूर्ण लॉकडाऊनची घोषणा; 'या' तारखेला असतील कडक निर्बंध

चेन्नई: देशातील कोरोना (Corona) संसर्ग वाढीचा वेग आता चांगलाच वाढला असून दुसऱ्या लाटेचा विक्रमही मोडित निघाला आहे. ओमिक्रॉनमुळे (Omicron) हा संसर्ग वाढत असल्याचे केंद्रीय आरोग्य विभागाच्या अधिकाऱ्यांनीच स्पष्ट केले आहे. देशात तिसरी लाट (Third Wave) आली असून, केंद्र सरकारसह राज्ये निर्बंध घालू लागली आहेत. संपूर्ण लॉकडाऊनची (Lockdown) घोषणा करणारे तमिळनाडू (Tamilnadu) हे पहिले राज्य ठरले आहे.

तामिळनाडूचे मुख्यमंत्री एमके स्टॅलिन यांनी येत्या 23 जानेवारीला संपूर्ण राज्यात संपूर्ण लॉकडाऊन असल्याची घोषणा केली आहे. तमिळनाडूमध्ये आज 28,561 कोविड-19 प्रकरणांची नोंद झाली आहे तर चेन्नईमध्ये 7,520 प्रकरणे नोंदली गेली आहेत. वाढत्या कोरोना रुग्णांची संख्या लक्षात घेता हा निर्णय घेण्यात आला आहे. (Tamil Nadu lockdown News)