तामिळनाडूमध्ये एका फटाक्यांच्या कारखान्यात मोठा स्फोट झाला आहे. या दुर्घटनेत १६ जणांचा बळी गेला असून, अन्य सहा जण जखमी झाले आहेत. ही घटना विरुधुनगर जवळच्या कट्टानारपट्टी येथे घडली. प्राथमिक अहवालांनुसार, जिल्ह्यांतर्गत कट्टानारपट्टी गावात असलेल्या एका फटाका निर्मिती केंद्रात हा स्फोट झाला. आता ही आग आटोक्यात आणण्यात आली आहे. जखमी झालेल्या सहा जणांना तातडीने जवळच्या रुग्णालयात दाखल करण्यात आले आहे. बचावकार्य सध्या युद्धपातळीवर सुरू असल्याचे अधिकाऱ्यांनी सांगितले आहे.
