"ऊपर शेरवानी, अंदर परेशानी": मोदींच्या पोशाखावर तेलंगणाच्या मुख्यमंत्र्यांची टीका

हैदराबाद : तेलंगणाचे मुख्यमंत्री (Telangana Chief Minister) के चंद्रशेखर राव (K ChandraShekhar Rao) यांनी पंतप्रधान नरेंद्र मोदी (PM Narendra Modi) यांच्या निवडणूक पोशाखावर टीका केली आहे. यावेळी त्यांनी मंगळवारी सादर झालेल्या सर्वसाधारण अर्थसंकल्पावर देखील टीका केली आहे. ते म्हणाले की, सादर झालेला अर्थसंकल्प हा कोणताही सार नसलेल्या शैलीचा असून, हा अर्थसंकल्प भयंकर गोलमाल असल्याचे म्हटले आहे.

दरम्यान, मोदी आणि केसीआर हे दोन्ही नेते लवकरच एका कार्यक्रमात समोरासमोर येणार आहेत. त्यापूर्वी केसीआर यांनी हा हल्लाबोल केला आहे. यावेळी त्यांनी ‘गुजरात मॉडेल’ची खिल्ली उडवत ‘वर शेरवानी, आत परेशानी’ अशी खोचक टीका करत, पीएम मोदींच्या सुशासनाचे उदाहरण म्हणून भाजप गुजरात मॉडेल दाखवत आहेत, असा देखील हल्लाबोल राव यांनी यावेळी केला आहे.

केसीआर यांचा पक्ष तेलंगणा राष्ट्र समितीने (TRS) बहुतेक महत्त्वाचे कायदे किंवा संसदेतील मुद्द्यांवर मोदी सरकारला (Modi Government ) पाठिंबा दिला असून, केसीआर यांना अनेकदा भाजपची (BJP) बी टीम म्हटले जाते. परंतु त्यांच्या या टीकेनंतर आश्चर्य व्यक्त केले जात आहे. दरम्यान, येत्या शनिवारी केसीआर आणि पीएम मोदी एकाच हेलिकॉप्टरमधून प्रवास करणार असून, हे दोन्ही नेते हैदराबाद शहरा जवळ बांधण्यात आलेल्या संत रामानुजाचार्य यांच्या पुतळ्याचे उद्घाटन करणार आहे. यासाठी 1,000 कोटी खर्च करण्यात आले असून, हा पुतळा जगातील दुसरा सर्वात उंच पुतळा असल्याचे देकील सांगितले जात आहे.