कर्नाटकात मशिदीत सापडली मंदिरासारखी रचना | Sakal
sakal

बोलून बातमी शोधा

Temple Found Under Mosque

कर्नाटकात मशिदीत सापडली मंदिरासारखी रचना

नवी दिल्ली : देशात ज्ञानवापी मशिदीचा वाद (Gyanvapi Mosque Row) सुरू आहे. त्यातच कर्नाटकातील मंगळुरूच्या बाहेरील एका जुन्या मशिदीच्या खाली हिंदू मंदिरांसारखी स्थापत्य रचना सापडली आहे. मशिदीच्या नुतनीकरणाचे काम सुरू असताना या वास्तूशिल्पाचा शोध लागला आहे.

हेही वाचा: ज्ञानवापी मशिदीत आणखी एक 'शिवलिंग'? काशी विश्वनाथ मंदिरातील महंतांचा दावा

मंगळुरूमधील गुरुप्रा तालुक्यातील मलाल मार्केट परिसरात ही मशीद आहे. या मशिदीच्या नूतनीकरणाचं काम सुरू आहे. त्यावेळी इथं एक हिंदू मंदिरासारखी स्थापत्य रचना आढळून आली. मशीद बांधण्यापूर्वी मंदिर अस्तित्वात होते, असा दावा विश्व हिंदू परिषदेने केला असून कागदपत्रांची पडताळणी होईपर्यंत नूतनीकरणाचे काम थांबवावे असे आवाहन त्यांनी जिल्हा प्रशासनाला केले आहे. पण, जिल्हा प्रशासनाने शांतता बाळगण्याचे आवाहन केले आहे.

दरम्यान, ज्ञानवापी मशिदीवरून वाद चिघळला आहे. याठिकाणी मंदिर पाडून मशीद बांधण्यात आली, असा दावा हिंदू संघटनांनी केला आहे. तर मुस्लीम समुदायाने प्रार्थनास्थळांसंबंधीत कायद्याचा उल्लेख केला आहे. कोणत्याही प्रार्थनास्थळांचे दुसऱ्या प्रार्थनास्थळांमध्ये रुपांतर करू नये, असा हा कायदा होता. पण, वाराणसी न्यायालयाने मशिदीचे सर्वेक्षण करण्याचे आदेश या कायद्याचं उल्लंघन केल्याचा आरोप मुस्लीम संघटनांनी केला आहे. हे प्रकरण सर्वोच्च न्यायालयात देखील पोहोचलं होतं. त्यानंतर न्यायालयाने परत हे प्रकरण जिल्हा न्यायालयाकडे वर्ग केलं आहे.

Web Title: Temple Like Architecture Found Under Mosque In Karnataka

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..
टॅग्स :Karnataka
go to top