सुरक्षा दलांनी घेतला बदला; दोन्ही दहशतवादी चकमकीत ठार

जम्मू-काश्मीरच्या श्रीनगरमध्ये केंद्रीय राखीव पोलिस दलाच्या (CRPF) जवानांवर नुकत्याच झालेल्या हल्ल्यात सहभागी असलेले दोन पाकिस्तानी लष्कर-ए-तैयबाचे दहशतवादी रविवारी (ता. १०) शहरात झालेल्या चकमकीत ठार (Terrorist killed in encounter) झाले. तसेच तीन सुरक्षा कर्मचारी जखमी झाले. बिशंबरनगर भागात दहशतवाद्यांच्या उपस्थितीची माहिती मिळाल्यावर सुरक्षा दलांनी परिसराला वेढा घातला होता. यावेळी दहशतवाद्यांनी गोळीबार केल्याचे पोलिस अधिकाऱ्याने सांगितले. (Terrorist killed in encounter)

सीआरपीएफ जवानांवर ४ एप्रिल रोजी झालेल्या हल्ल्याच्या दिवसापासून पोलिस दोन पाकिस्तानी दहशतवाद्यांचा पाठलाग करीत होते. रविवारी त्यांचा ठावठिकाणा शोधून काढल्यानंतर कारवाई सुरू करण्यात आली, असे काश्मीरचे पोलिस महानिरीक्षक विजय कुमार म्हणाले. दहशतवाद्यांची हत्या (Terrorist killed in encounter) हे पोलिस आणि सीआरपीएफचे मोठे यश आहे. ‘मला संदेश द्यायचा आहे की जो कोणी निष्पाप पोलिस कर्मचारी, नागरिक, पत्रकार किंवा कोणावरही हल्ला करेल, मग तो पाकिस्तानी असो वा स्थानिक दहशतवादी मारला जाईल, असेही ते म्हणाले.

दहशतवाद्यांनी (Terrorist) हल्ला केल्यानंतर सुरक्षा दलांनी प्रत्युत्तर दिले. त्यामुळे दहशतवादी आणि सुरक्षा दलांमध्ये चकमक झाली आणि दोन दहशतवादी ठार झाले. दोन्ही दहशतवादी लष्कर-ए-तैयबाशी संबंधित आहे, अशी माहिती पोलिस अधिकाऱ्यांनी दिली.

चकमकीत ठार झालेले दहशतवादी ४ एप्रिलला श्रीनगरच्या मैसुमा भागात झालेल्या हल्ल्यात सामील होते. या हल्ल्यात सीआरपीएफ एक जवान शहीद झाला होता आणि दुसरा जखमी झाला होता. चकमकीत जखमी झालेल्या सुरक्षा जवानांना लष्कराच्या ९२ बेस हॉस्पिटलमध्ये दाखल करण्यात आले आहे, असे विजय कुमार यांनी ट्विट केले.