तामिळनाडूमध्ये चोरीचे एक विचित्र प्रकरण समोर आले आहे. तुतीकोरीन जिल्ह्यातील एका घरात चोरी झाल्याची माहिती पोलिसांना मिळताच ते तातडीने घटनास्थळी दाखल झाले. याठिकाणी रोख रक्कम व दागिने गायब असल्याचे आढळून आले. मात्र, रिपोर्टनुसार या संपूर्ण घटनेत सर्वात धक्कादायक बाब म्हणजे चोराची चिठ्ठी.
ही चोरीची घटना ७९ वर्षीय सेवानिवृत्त शिक्षक चिथिराई सेल्विन यांच्या घरी घडली आहे. सेवानिवृत्त शिक्षक सेल्विन यांच्या कुटूंबात पत्नी आणि चार मुले आहेत. चेन्नईतील आपल्या मुलाच्या कुटुंबीयांना भेटण्यासाठी हे जोडपे १७ जून रोजी घराबाहेर पडले होते. टाईम्स ऑफ इंडियाच्या वृत्तानुसार, मंगळवारी रात्री मोलकरीण घरी पोहोचली तेव्हा घराचे गेट उघडे पाहून तिला धक्काच बसला. घरात कोणीतरी शिरल्याचे तिच्या लक्षात आले आणि तिने ताबडतोब मालक व पोलिसांना बोलावले.
चोरट्याने ६० हजारांची रोकड, दोन जोड सोन्याचे कानातले आणि चांदीचे पैंजण असा ऐवज पळवून नेल्याचे पोलिसांनी सांगितले. मला माफ करा अशी चिठ्ठीही चोरट्याने ठेवली आहे. मी ते एका महिन्यात परत करीन. माझ्या घरात कोणीतरी आजारी आहे. म्हणूनच मी हे करत आहे. मेघनापुरम पोलिसांनी चोरट्याविरुद्ध गुन्हा दाखल करून तपास सुरू केला आहे.
याआधीही चीनमधील शांघायमध्ये एका व्यक्तीने दुकानातून चोरी करून मेसेज लिहला होता. त्याने मालकाला त्याची अँटी थेफ्ट सिस्टम अपग्रेड करण्यास सांगितले. चोरट्याने बिल्डिंगच्या बाहेरील भिंतीवर चढून आत प्रवेश केला आणि ॲपल मॅकबुक आणि घड्याळ चोरून नेले. आत गेल्यावर, सेल फोन, लॅपटॉप गोळा केले आणि त्यांचा ढीग केला. त्यांच्यासोबत एक चिठ्ठी लिहून ठेवली.
चोराने त्याच्या चिठ्ठीत लिहिले की प्रिय बॉस, मी एक घड्याळ आणि लॅपटॉप घेतला. तुम्हाला तुमची थेफ्ट सिस्टम अपग्रेड करणे आवश्यक आहे. मी सर्व फोन आणि लॅपटॉप घेतले नाहीत. याचे कारण सांगताना त्यांनी लिहिले की, मला भीती वाटत होती की यामुळे तुमच्या व्यवसायाचे मोठे नुकसान होऊ शकते. तुम्हाला तुमचा लॅपटॉप आणि फोन परत हवा असेल तर माझ्याशी संपर्क करा, असेही चोराने लिहिले आहे. चोरट्याने सोडलेल्या नंबरच्या मदतीने आणि कॅमेऱ्यांमुळे पोलिसांना कळले. त्याच्याकडून चोरीचा सर्व मुद्देमाल जप्त करण्यात आला.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.