तृणमूलने शिंजो आबे यांच्या हत्येशी जोडला अग्निपथ योजनेचा संबंध; म्हटलं... | Sakal
sakal

बोलून बातमी शोधा

mamata banerjees criticize PM modi says spent 1500 crore rupees on fuel subsidy

तृणमूलने शिंजो आबे यांच्या हत्येशी जोडला अग्निपथ योजनेचा संबंध; म्हटलं...

कोलकाता - तृणमूल काँग्रेसचे मुखपत्र 'जागो बांगला' ने 'किलिंग ऑफ शिजो इन अग्निपथ छाया' या शीर्षकाच्या बंगाली लेखात जपानचे माजी पंतप्रधान शिंजो आबे यांच्या हत्येचा संबंध थेट भारतातील संरक्षण भरतीसाठी नव्याने सुरू केलेल्या अग्निपथ योजनेशी जोडला आहे. या लेखात असे म्हटले की शिंजो आबेच्या हत्येमुळे भारताच्या अग्निपथ योजनेच्या विरोधात प्रतिकार मजबूत होईल, कारण अबे यांना मारणाऱ्या माणसाने विनापेन्शन योजनेअंतर्गत सैन्यात सेवा बजावली होती. (TMC linked shinzo abe murder case with agneepath)

हेही वाचा: पक्षफुटीची भीती ? पक्षाची घटना बदलून जगमोहन रेड्डी YSRCPचे आजीवन अध्यक्ष

मुखपत्रात म्हटलं की, "केंद्र सरकार देखील अशाच पद्धतीने तरुणांना सैन्यात भरती करण्याचा प्रयत्न करत आहे, ज्यामुळे संपूर्ण देशात अस्वस्थता आहे. या योजनेअंतर्गत लोक फक्त 4.5 वर्षांसाठी नोकरीत असतील. निवृत्तीनंतर त्यांना पेन्शन किंवा इतर कोणतेही फायदे मिळणार नाहीत. अग्निपथ योजनेवरून तृणमूलने मुखपत्रातून एकप्रकारेे पंतप्रधान नरेंद्र मोदींना अप्रत्यक्ष इशारा दिला आहे.

शुक्रवारी झालेल्या एका धक्कादायक घटनेत शिंजो आबे यांना 41 वर्षीय तेत्सुया यामागामी याने गोळ्या घालून ठार केले. शिंजो आबे यांच्या निधनानंतर संपूर्ण जगातून शोक व्यक्त करण्यात आला. तर पोलिसांनी 41 वर्षीय तरुणाला अटक केली आहे. जपानी माध्यमांनुसार, यामागामीने घटनास्थळावरून पळून जाण्याचा प्रयत्न केला नाही. याउलट त्याने तपासकर्त्यांना सांगितले की तो आबे यांच्या कामामुळे असमाधानी होता. त्यामुळेच त्यांना मारायचे होते.

Web Title: Tmc Linked Shinzo Abe Murder Case With Agneepath

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..