30 दिवस वैधता असलेला एकतरी रिचार्ज प्लॅन हवा; TRAI चे निर्देश | Sakal
sakal

बोलून बातमी शोधा

trai directs telecom companies to have at least 1 plan allowing 30 days recharge validity

30 दिवस वैधता असलेला एकतरी रिचार्ज प्लॅन हवा; TRAI चे निर्देश

भारतीय दूरसंचार नियामक प्राधिकरण (TRAI) दूरसंचार कंपन्यांबाबत कठोर होत सर्व दूरसंचार कंपन्यांना 30 दिवस म्हणजे संपूर्ण महिन्यासाठी वैधता असणारा कमीत कमी एक टॅरिफ प्लॅन (Tariff Plan) असणे बंधनकारक केले आहे. TRAI कडून रिचार्ज प्लॅनच्या वैधतेबाबत (Recharge Plan Validity) टेलिकॉम कंपन्यांना तसे निर्देश देण्यात आले आहेत.

रिचार्जबाबत सूचना

ट्रायने म्हटले आहे की, किमान एक प्लॅन संपूर्ण महिन्यासाठी वैध असावा. तसेच प्रत्येक कंपनीच्या प्लॅनमध्ये एक विशेष व्हाउचर, कॉम्बो व्हाउचर संपूर्ण महिन्यासाठी व्हॅलिडिटी असलेले ठेवावे लागेल. ज्यामध्ये 30 दिवसांची रिचार्ज व्हॅलिडिटी मिळते. ट्रायने 1999 च्या दूरसंचार आदेशात बदल करत, गुरुवारी सांगितले की, प्रत्येक दूरसंचार सेवा प्रदात्याने किमान एक प्लॅन व्हाउचर, एक स्पेशल टॅरिफ व्हाउचर आणि तीस दिवसांची वैधता असलेले एक कॉम्बो व्हाउचर ऑफर केला पाहिजे. तसेच पुढे, प्रत्येक सेवा प्रदात्याने किमान एक प्लॅन व्हाउचर, एक स्पेशल टॅरिफ व्हाउचर आणि एक कॉम्बो व्हाउचर देखील ऑफर केले पाहिजे जे प्रत्येक महिन्याच्या त्याच तारखेला रिन्यू करता येईल.

हेही वाचा: रेल्वे स्टेशनची नावे पिवळ्या बोर्डवरच का लिहीतात? जाणून घ्या खास कारण

28 दिवसांच्या व्हॅलिडिटी बाबात तक्रार

TRAI ने सांगितले की, त्यांना 28 दिवसांच्या वैधतेसह (किंवा त्यापेक्षा जास्त) दूरसंचार सेवा प्रदात्यांच्या टॅरिफ प्लॅनबद्दल नाराजी व्यक्त करणाऱ्या तक्रारी ग्राहकांकडून मिळाल्या आहेत. 30 दिवस किंवा एक महिन्यासाठी वैधता असलेल्या टॅरिफ ऑफरबद्दल ट्रायने सांगितले की, नव्या दुरुस्ती लागू झाल्यानंतर, दूरसंचार ग्राहकांना चांगली वैधता आणि कालावधीची सर्व्हिस ऑफर निवडण्यासाठी अधिक पर्याय उपलब्ध असतील.

हेही वाचा: Jio Vs Airtel Vs VI : हे आहेत 84 दिवसांचे सर्वात स्वस्त रिचार्ज प्लॅन

Web Title: Trai Directs Telecom Companies To Have At Least 1 Plan Allowing 30 Days Recharge Validity

Read Latest Marathi News Headlines of Maharashtra, Live Marathi News of Mumbai, Pune, Politics, Finance, Entertainment, Sports, Jobs, Lifestyle at Sakal. To Get Updates on Mobile, Download the Sakal Mobile App for Android & iOS.
सकाळ आता सर्व सोशल मीडिया प्लॅटफॉर्मवर. ताज्या घडामोडींसाठी टेलिग्राम, फेसबुक, ट्विटर, शेअर चॅट आणि इन्स्टाग्रामवर आम्हाला फॉलो करा तसेच, आमच्या YouTube Channel आजच Subscribe करा..