कोलकता - पश्चिम बंगालमधील सहा विधानसभेच्या पोटनिवडणुकांसाठी आज मतदान झाले असता पहिल्या चार तासांत तीस टक्क्यांपेक्षा अधिक मतदारांनी मतदानाचा हक्क बजावला. दुपारी एक वाजेपर्यंत ४५ टक्क्यांपेक्षा अधिक मतदानाची नोंद झाली आहे. सकाळी मतदानाची गती संथ असताना दुपारनंतर वेग आला. त्याचवेळी सत्ताधारी तृणमूल कॉंग्रेसच्या एक ब्लॉकस्तरावरच्या नेत्याची गोळी झाडून हत्या झाल्याची घटना घडली.
