माजी मंत्री शत्रुघ्न सिन्हा, बाबुल सुप्रियोंना तृणमूलकडून उमेदवारी

नवी दिल्ली : माजी केंद्रीय मंत्री शत्रुघ्न सिन्हा आणि बाबुल सुप्रियो यांना तृणमूलकडून लोकसभेसाठी उमेदवारी जाहीर करण्यात आली आहे. पश्चिम बंगालच्या मुख्यमंत्री आणि ऑल इंडिया तृणमूल काँग्रेसच्या प्रमुख ममता बॅनर्जी यांनी याची घोषणा केली आहे. (Trinamool nominates former minister Shatrughan Sinha Babul Supriyo for byelections)

ममता बॅनर्जी यांनी यासंदर्भात ट्विट केलं आहे. ममतांनी ट्विटमध्ये म्हटलं, मला सांगायला आनंद होत आहे की, माजी मंत्री आणि प्रसिद्ध अभिनेते शत्रुघ्न सिन्हा हे असनसोल इथून आमचे लोकसभा पोटनिवडणुकीचे उमेदवार असतील. तसेच माजी मंत्री आणि गायक बाबुल सुप्रियो हे आमचे बालिगंज येथील विधानसभा पोटनिवडणुकीसाठीचे उमेदवार असतील.